Leader of Opposition in the Legislative Assembly Devendra Fadnavis claims that BJP has won the highest number of seats in Zilla Parishad and Municipal elections.
जिल्हा परिषदा आणि नगरपालिका निवडणुकीत भाजपानं सर्वाधिक जागा जिंकल्या असल्याचा विधानसभेतले विरोधी पक्षनेते देवेंद्र फडणवीस यांचा दावा.
जिल्हा परिषदा आणि नगरपालिका निवडणुकीत भाजपानं मिळवलेल्या दणदणीत यशाचे शिल्पकार पक्षाचे सगळे कार्यकर्ते असून त्यांचं आणि मतदारांचं मी अभिनंदन करतो, अशा शब्दात विरोधी पक्षनेते आणि माजी मुख्यमंत्री देवेंद्र फडणवीस यांनी विजयाचा आनंद व्यक्त केला आहे.
भाजपाच्या २४ तर सहयोगी मिळून सर्वाधिक ३० नगरपालिकांमध्ये भाजपानं सत्ता मिळवली असून ४१५ पेक्षा अधिक जागा जिंकत भाजपा हाच पहिल्या क्रमांकाचा पक्ष बनला आहे, असंही ते यावेळी म्हणाले. देशातली जनता प्रधानमंत्र्याच्या नेतृत्त्वावर विश्वास ठेवत असल्याचं अधोरेखित झाल्याचं देवेंद्र फडणवीस म्हणाले. या यशाबद्दल भाजपाचे प्रदेशाध्यक्ष चंद्रकांतदादा पाटील यांचंही त्यांनी अभिनंदन केलं आहे.
