Organizing a musical program ‘Abhiwadan’ on the occasion of the birth centenary of Pandit Bhimsen Joshi.
पंडित भीमसेन जोशी यांच्या जन्मशताब्दीनिमित्त ‘अभिवादन’ या सांगीतिक कार्यक्रमाचं आयोजन.
पुणे : स्वरभास्कर भारतरत्न पंडित भीमसेन जोशी यांच्या जन्मशताब्दीनिमित्त आर्य संगीत प्रसारक मंडळानं ‘अभिवादन’ या सांगीतिक कार्यक्रमाचं आयोजन केलं आहे अशी माहिती आर्य संगीत प्रसारक मंडळाचे कार्याध्यक्ष श्रीनिवास जोशी यांनी दिली आहे.
पुण्यात शिवाजीनगर इथल्या राहुल चित्रपटगृहाच्या शेजारी असलेल्या सवाई गंधर्व स्मारक या ठिकाणी ४ ते ६ फेब्रुवारी दरम्यान सायंकाळी साडेचार वाजता हा कार्यक्रम होणार आहे. हा कार्यक्रम विनामूल्य असून सर्वाना स्थानिक प्रशासनानं घालून दिलेल्या कोविड संदर्भातल्या सर्व नियमांचं पालन करणं बंधनकारक आहे.
प्रभा अत्रे, आनंद भाटे यांच्यासह किराणा घराण्याचे कलाकार, प्रामुख्यानं पंडित भीमसेन जोशी यांचे शिष्य आणि काही युवा आश्वासक कलाकारांचे कलाविष्कार हे या कार्यक्रमाचं वैशिष्ट्य असेल.
