Virat Kohli steps down as Indian Cricket Team’s Test Captain.
भारतीय कसोटी क्रिकेट संघाच्या कर्णधारपदाचा विराट कोहलीनं दिला राजानामा.
भारतीय कसोटी क्रिकेट संघाचा कर्णधार विराट कोहली यानं आपलं कर्णधारपद सोडलं आहे. मी भारतीय संघाच्या भरभराटीसाठी अथक प्रयत्न केले. मात्र एका वळणावर माझे प्रयत्न अपुरे पडले त्यामुळे मी कसोटी क्रिकेटच्या कर्णधारपदाचा राजीनामा देत आहे, अंस विराट कोहलीनं जारी केलेल्या एका पत्रकात म्हटलं आहे.
आपल्या कर्णधारपदाच्या कारकिर्दीच्या प्रवासात अनेक चढ आणि काही उतार आले, मात्र प्रयत्न आणि विश्वास याची मात्र कमतरता केव्हाही नव्हती.
आपल्याला काय करायचं आहे याविषयी माझ्या मनात संपूर्ण स्पष्टता आहे आणि मी माझ्या संघाशी कधीही अप्रामाणिक होऊ शकत नाही असं त्याने म्हटलं आहे.
इतक्या दीर्घ कालावधीपर्यंत माझ्या देशाचं नेतृत्त्व करण्याची संधी मला दिल्याबद्दल मी भारतीय क्रिकेट नियामक मंडळाचे आभार मानतो आणि सर्वात महत्त्वाचं म्हणजे संघातील माझ्या सहकाऱ्यांचे आभार ज्यांनी पहिल्या दिवसापासून संघासाठी माझ्या धोरणाला अथक प्रयत्नांनी साथ दिली आणि कोणत्याही परिस्थितीत हार मानली नाही.
