राज्यात आज कोविड-१९ च्या ४४ हजार ३८८ नव्या रुग्णांची नोंद

मुंबईत आज १९ हजार ४७४ नवे रुग्ण आढळले. तर ८ हजार ६३ रुग्णांनी कोरोनावर मात केली. ७ रुग्णांचा मृत्यू झाला. सध्या मुंबईत १ लाख १७ हजार ४७३ अॅक्टीव्ह रुग्ण आहेत.राज्यात रुग्ण बरे होण्याचा दर ९५ टक्क्याच्या खाली घसरुन ९४ पूर्णांक ९८ शतांश टक्के झाला आहे. तर मृत्यूदर २ पूर्णांक ४ शतांश टक्के आहे.

राज्यात आज ओमायक्रॉनचा संसर्ग झालेले २०७ रुग्ण आढळले. सांगलीत ५७, मुंबई ४०, पुणे महानगरपालिका २२, नागपूर २१, पिंपरी चिंचवड १५, ठाणे महानगरपालिका १२, कोल्हापूर ८, अमरावती ६, उस्मानाबाद ५, बुलडाणा आणि अकोला प्रत्येकी ४, गोदिंया ३, नंदुरबार, सातारा आणि गडचिरोली प्रत्येकी २, तर औरंगाबाद जालना, लातूर आणि मीरा-भाईंदरमधे प्रत्येकी एक रुग्ण आढळला.

राज्यात आतापर्यंत १ हजार २१६ ओमायक्रॉनबाधीत रुग्णांची नोंद झाली. त्यापैकी ४५४ रुग्णांना त्यांची आरटीपीसीआऱ चाचणी निगेटिव्ह आल्यानंतर रुग्णालयातून घरी सोडलं असल्य़ाचं आरोग्य विभागानं कळवलं आहे.