ICC U-19 Cricket World Cup: India beat Australia by 96 runs England match in the final
ICC U-19 क्रिकेट विश्वचषक :भारताने ऑस्ट्रेलियाचा 96 धावांनी पराभव केला. अंतिम फेरीत इंग्लंडचा सामना.
अँटिग्वा: बुधवारी अँटिग्वा येथील कूलिज क्रिकेट ग्राउंडवर सुरू असलेल्या ICC U-19 क्रिकेट विश्वचषक स्पर्धेच्या सुपर लीग सेमी-फायनल 2 मध्ये भारताने ऑस्ट्रेलियाचा 96 धावांनी पराभव केला.
291 धावांच्या लक्ष्याचा पाठलाग करताना ऑस्ट्रेलियाचा डाव 41.5 षटकांत 194 धावांत आटोपला. लचलान शॉने अर्धशतक झळकावल्यामुळे कांगारूंचा पराभव लांबला. भारताकडून विकी ओस्तवालने उत्तम गोलंदाजी केली आणि त्याने तीन बळी घेतले. दरम्यान, निशांत सिंधू, रवी कुमार यांनी प्रत्येकी दोन आणि कौशल तांबे, अंगक्रिश रघुवंशी यांनी प्रत्येकी एक बाद केले.
दोन बाद 37 ह्या अवस्थेतून यश धूल व रशीद यांनी 200 धावांची भागीदारी केली
कर्णधार यश धुलच्या शतकाच्या बळावर भारताने 50 षटकांत 5 बाद 290 धावा केल्या. धुलने 110 चेंडूत 110 धावा तडकावल्या आणि शेख रशीदसोबत मजबूत भागीदारी केली, ज्याने 108 चेंडूत 94 धावा केल्या. ऑस्ट्रेलियाकडून विल्यम साल्झमन आणि जॅक निस्बेट यांनी प्रत्येकी दोन बळी घेतले. भारत आता अंतिम फेरीत इंग्लंडशी भिडणार आहे, ज्यांनी त्यांच्या उपांत्य फेरीत अफगाणिस्तानचा पराभव केला.
यश धुल, भारताचा कर्णधार: माझी आणि रशीदची योजना शेवटपर्यंत फलंदाजी करायची होती आणि ती कामी आली. हा अभिमानाचा क्षण आहे (विराट कोहली आणि उन्मुक्त चंद यांच्यानंतर U19 WC मध्ये शतक ठोकणारा तिसरा भारतीय कर्णधार बनणे). स्थिर फलंदाजी करणे, जास्त शॉट्स न वापरणे आणि 40व्या षटकापर्यंत फलंदाजी करणे ही कल्पना होती.
कूपर कॉनोली, ऑस्ट्रेलियाचा कर्णधार: शेवटच्यादहाव्या ओव्हर पर्यंत , आम्हाला वाटले की आम्ही चांगल्या स्थितीत आहोत, परंतु त्यांनी 100 धावा केल्या आणि अशा प्रकारे 290 ही मोठी धावसंख्या रचली . अनुभव चांगला होता पण समस्या फक्त बबल होती. आमची फिरकी खेळण्याची पद्धत चांगली होती आणि आम्ही प्रत्येक सत्रात चांगलेखेळलो
भारत १९ वर्षांखालील ऑस्ट्रेलिया १९ वर्षांखालील
290/5 (50.0 ov) – R/R 5.8 194/10 (41.5 ov) – R/R 4.64
