NIA arrests four in Pune for working for ISIS
इसिस या दहशतवादी संघटनेसाठी काम करणाऱ्या चार जणांना एनआयएकडून पुण्यात अटक
पुणे : एनआयए अर्थात राष्ट्रीय तपास संस्थेनं इसिस या दहशतवादी संघटनेसाठी काम करणाऱ्या चारजणांना काल पुण्यातून अटक केली. ज्यात पुण्यातील विश्रांतवाडी येथील पत्रकारितेची विद्यार्थिनी
सादिया अन्वर शेख हिचा समावेश आहे, जीचे वय 20 वर्षे होते. अन्य तीन आरोपींमध्ये कोंढवा भागातील नबील सिद्दीकी खत्री, अब्दुल्ला बासिथ आणि बेंगळुरू येथील एमबीबीएस डॉक्टर अब्दुल रहमान उर्फ डॉक्टर ब्रेव्ह यांचा समावेश आहे.
भारतात दहशतवादी कारवाया करण्यासाठी समविचारी लोकांचा पाठिंबा मिळवून इसिसच्या विचारसरणीचा प्रचार करायचा कट रचणं, इसिससाठी सेल स्थापन करणं, निधी उभारणं, शस्त्रं गोळा करणं, ओळखपत्र बनवणं आणि हत्या घडवून आणणं हे आरोप त्यांच्यावर आहेत.
दोन वर्षांपूर्वी एका काश्मिरी दाम्पत्याला अटक केल्याच्या प्रकरणाच्या चौकशीच्या संदर्भात राष्ट्रीय तपास संस्थेने (एनआयए) सोमवारी पुणे शहरातील कोंढवा परिसरात तल्हा लियाकत खान (३८) या संशयिताच्या घराची झडती घेतली. इस्लामिक स्टेट-खोरासान प्रांत (IS-KP), इस्लामिक स्टेट (IS) च्या अफगाणिस्तान-आधारित गटाशी त्यांच्या कथित संबंधांसाठी.
एनआयएनं पुण्यात कोंढवा इथून तलहा खानच्या घरातून यासंदर्भातली कागदपत्रं आणि डिजिटल उपकरणं जप्त केली आहेत. दिल्लीतून या प्रकरणात जहांजैब सामी वानी आणि त्याची पत्नी हिना बशीर बेग यांनाही एनआयएनं अटक केली आहे. त्यांना दिल्ली पोलिसांनी 8 मार्च 2020 रोजी प्रथम अटक केली होती. नंतर या प्रकरणाचा तपास NIA ने ताब्यात घेतला. त्यामुळे या प्रकरणात अटक झालेल्यांची संख्या आता सहा झाली आहे. एनआयएनं प्रसिद्ध केलेल्या पत्रकात ही माहिती दिली आहे.
वानी आणि बेग हे हैदराबादच्या बासिथ या तरुणाच्या संपर्कात होते, ज्याला ISIS च्या अबू धाबी मॉड्यूलशी संबंधित NIA प्रकरणात अटक करण्यात आली होती.
