ओबीसी आरक्षणाच्या परिस्थितीस केवळ भाजपा जबाबदार – नाना पटोले

Only BJP is responsible for OBC reservation situation – Nana Patole

ओबीसी आरक्षणाच्या परिस्थितीस केवळ भाजपा जबाबदार – नाना पटोले

मुंबई : ओबीसींच्या राजकीय आरक्षणावर भारतीय जनता पक्षाला आता आलेला कळवळा हा केवळ दिखावा आहे. ओबीसी आरक्षणाच्या ( OBC reservation)आजच्या परिस्थितीला केवळ भारतीय जनता पक्ष आणि देवेंद्र फडणवीस हेच जबाबदार आहेत, असा आरोप काँग्रेस प्रदेशाध्यक्ष नाना पटोले यांनी केला आहे.

भाजपचा डिएनए हा ओबीसी नसून ओबीसी विरोधी आहे, ओबीसी आरक्षणाबाबत भाजप दाखवत असलेले प्रेम हे पुतणा मावशीचे प्रेम’ आहे, अशा शब्दांत काँग्रेस प्रदेशाध्यक्ष नाना पटोले यांनी भाजपवर निशाणा साधला आहे. ओबीसींच्या राजकीय आरक्षणाचा आज जो पेच निर्माण झाला आहे त्याची सुरुवात देवेंद्र फडणवीस यांनीच केली.

देशातील आरक्षण संपवण्याचा हा राष्ट्रीय स्वयंसेवक संघ व भारतीय जनता पक्षाचा अजेंडा आहे. फडणवीस यांच्या नेतृत्वाखालील भाजपाचे सरकार असताना २०१७ साली नागपूर जिल्हा परिषद निवडणुकीवेळी फडणवीस यांनी ओबीसींचे रोश्टर क्लिअर करायचे म्हणून एक साधे परिपत्रक काढून जिल्हा परिषद निवडणुका पुढे ढकलल्या. हे प्रकरण न्यायालयात गेले, त्यानंतर भंडारा जिल्हा परिषदेसह इतर जिल्हा परिषदाही कोर्टात गेल्या. २०१८ साली उच्च न्यायालयाने सांगितले होते की आयोग बसवा परंतु तत्कालीन फडणवीस सरकारनं त्यावर निर्णय घेतला नाही म्हणून ओबीसींचे आरक्षण गेले, असंही ते म्हणाले.

हडपसर न्यूज ब्युरो