Shiv Sena will have to taste defeat in Mumbai Municipal Corporation elections – Devendra Fadnavis
शिवसेनेला मुंबई महानगरपालिकेच्या निवडणुकीत पराभवाची चव चाखायला लावणारच – देवेंद्र फडणवीस
मुंबई : शिवसेनेला मुंबई महानगरपालिकेच्या निवडणुकीत पराभवाची चव चाखायला लावणारच असा विश्वास राज्याचे विरोधीपक्षनेते देवेंद्र फडणवीस यांनी आज पुन्हा व्यक्त केला. हिंदी भाषिकांच्या संकल्प सभेसाठी भाजपनं मुंबईत आयोजित केलेल्या सभेत ते बोलत होते.
मुंबईत कोरोना काळात प्रचंड भ्रष्टाचार झाला असे सांगताना यशवंत जाधव भ्रष्टाचार प्रकरणावर सुद्धा त्यांनी निशाणा साधला. गेल्या अडीच वर्षात राज्याचा विकास, जनतेच्या प्रश्नांवर बोलायला मुख्यमंत्र्याना वेळ नाही अशी टीका सुद्धा यावेळी त्यांनी केली. दाऊदचे मित्र अजूनही मंत्रिमंडळात कसे? असा सवाल त्यांनी यावेळी उपस्थित केला.
कोविड काळात मुख्यमंत्री लाईव्ह तर आम्ही अलाईव्ह होतो अस त्यांनी सभेला संबोधित करताना म्हटलं. महाराष्ट्रात हनुमान चालिसा म्हटल्यावर गुन्हा होतो पण औरंगजेबाच्या कबरी माथा टेकवलेला चालतो अशी टीका त्यांनी यावेळी केली.
हडपसर न्युज ब्युरो
