नवी मुंबई महानगरपालिकेच्या सार्वत्रिक निवडणुकीसाठी अंतिम प्रभाग रचना अधिसूचना घोषित

मुंबई : नवी मुंबई महानगरपालिकेच्या सार्वत्रिक निवडणुकीसाठी अंतिम प्रभाग रचना अधिसूचना घोषित करण्यात आली. यानुसार महापालिकेत १२२ सदस्यांच्या निवडीसाठी ४१ प्रभाग तयार करण्यात आले आहेत.

त्यासाठी तीन सदस्यीय प्रभागांची संख्या ४० तर, एक दोन सदस्यीय प्रभाग  असणार आहे. या प्रभाग रचनेनुसार अनुसूचित जातीकरिता एकूण ११ जागा, अनुसूचित जमातीकरिता २,  तर  महिलांसाठी एकूण ६१  जागा राखीव ठेवण्यात आल्या आहेत.

नाशिक महानगरपालिकेची  प्रभाग रचनाही जाहीर करण्यात आली आहे. प्रभाग रचनेत सुमारे सात प्रभागात बदल करण्यात आले आहेत.

नाशिक मनपाचे आता १३३ सदस्य असतील.  शहरात ४३ त्रिसदस्यीय तर एक चार सदस्यीय प्रभाग आहेत. आता महिला आरक्षणाच्या सोडतीकडे लक्ष लागून आहे.

हडपसर न्युज ब्युरो