सामाजिक न्याय विभागातंर्गत शासकीय वसतिगृतहात प्रवेश प्रक्रियेला सुरवात

Commencement of admission process in government hostels under the Department of Social Justice

सामाजिक न्याय विभागातंर्गत शासकीय वसतिगृतहात प्रवेश प्रक्रियेला सुरवात

पुणे : सामाजिक न्याय विभागातंर्गत २०२२-२३ या शैक्षणिक वर्षाकरीता मुला-मुलींच्या शासकीय वसतिगृह प्रवेश ऑफलाईन पद्धतीने होणार असून प्रवेशाबाबतची कार्यवाही सुरु करण्यात आली आहे.

शालेय विद्यार्थ्यांसाठी प्रवेश अर्ज करण्याचा कालावधी १५ जुलै २०२२ आहे. पहिली निवड यादी अंतिम व प्रसिद्ध करावयाची मुदत १८ जुलै आहे. इयत्ता १० वी व ११ वी नंतरच्या अभ्यासक्रमामध्ये प्रवेश घेतलेल्या विद्यार्थ्यांसाठी व्यावसायिक अभ्यासक्रम वगळून प्रवेशासाठी अर्ज करण्याचा कालावधी ३० जुलै आहे. असून पहिली निवड यादी अंतिम व प्रसिद्ध करावयाची अंतिम मुदत ५ ऑगस्ट आहे.

बी.ए.,बी.कॉम.,बी.एस.सी या अभ्यासक्रमामध्ये प्रवेश घेतलेल्या, १२ वी नंतर पदविका किंवा पदवी आणि एम.ए., एम.कॉम, एम.एस.सी. या पदव्युत्तर, पदवी, पदविका आदी अभ्यासक्रमांना (व्यावसायिक अभ्यासक्रम वगळून) प्रवेश घेतलेल्या विद्यार्थ्यांनी २४ ऑगस्टपर्यंत अर्ज करावयाचे असून पहिली निवड यादी ३१ ऑगस्टपर्यंत अंतिम व प्रसिद्ध करण्यात येणार आहे.

व्यावसायिक अभ्यासक्रमासाठी ऑफलाईन प्रवेशासाठी अर्ज करावयाचा कालावधी ३० सप्टेंबर असून पहिली निवड यादी अंतिम व प्रसिद्ध करावयाचा कालावधी ३ ऑक्टोबर २०२२ असा आहे.

हे ही वाचा

पिंपरी-चिंचवड येथील मागासवर्गीय मुलींच्या शासकीय वसतिगृहात प्रवेश प्रकियेस सुरुवात

पुणे शहरामधील मुलांच्या शासकीय वसतिगृहामधील अर्जांचे वितरण व स्वीकृती संत ज्ञानेश्वर मुलांचे शासकीय वसतिगृह, विश्रांतवाडी व मुलींच्या शासकीय वसतिगृहामधील अर्जाचे वितरण व स्वीकृती संत जनाबाई मुलींचे शासकीय वसतिगृह, पुणे येथे करण्यात येणार आहे. उर्वरित पुणे जिल्ह्यातील तालुका पातळीवरील शासकीय वसतिगृहांमध्ये अर्जाचे वितरण व स्वीकृती त्याच वसतिगृहामध्ये करण्यात येईल.

पुणे जिल्ह्यात १३ मुलांची व १० मुलींची अशी २३ शासकीय वसतिगृहे कार्यरत आहेत. पुणे शहरात ४ मुलींची व ७ मुलांची अशी ११ वसतिगृहे व ग्रामीण भागात १२ मुलांची शासकीय वसतिगृहे आहेत. एकूण १ हजार २०८ जागा रिक्त आहेत. तरी विद्यार्थ्यांनी शासकीय वसतिगृह योजनेचा लाभ घ्यावा, असे आवाहन समाजकल्याण सहायक आयुक्त संगिता डावखर यांनी केले आहे.

हडपसर न्यूज ब्युरो
hadapsarinfomedia@gmail.com