Another Zika patient was found in Palghar district
पालघर जिल्ह्यात राज्यातला दुसरा झिका रुग्ण सापडला
पालघर: पालघर जिल्ह्यात राज्यातला दुसरा झिका रुग्ण सापडला आहे. तलासरी तालुक्यात झाई इथल्या आश्रमशाळेतल्या एका मुलीला झिका आजाराची लागण झाल्याचं पुण्यातल्या राष्ट्रीय विषाणू विज्ञान संस्थेच्या अहवालातून स्पष्ट झालं आहे.
झिका हा डासांमुळे पसरणारा आजार आहे आणि सर्वेक्षण ठेवले जात असताना, रोगाचे प्रसारण सौम्य असल्याचे राज्याच्या आरोग्य अधिकाऱ्यांनी सांगितले आहे. आश्रमशाळेत सुमारे 224 मुले असून त्यापैकी 13 मुलांना ताप आला होता. त्यांना उपजिल्हा रूग्णालय डहाणू येथे जवळच्या निरिक्षणाखाली ठेवण्यात आले आहे.
हे ही अवश्य वाचा
जाणून घेऊ या! झिकाःआजार, लक्षणे व उपचार.
आश्रमशाळेच्या ५ किलोमीटर परिसरात तापाच्या रुग्णांवर सर्वेक्षण ठेवण्यासारख्या तत्काळ उपाययोजना हाती घेण्यात आल्या आहेत. ही मुले प्रामुख्याने पालघर जिल्ह्यातील तलासरी आणि डहाणू भागातील आहेत.
सर्वेक्षण ठेवण्याचा भाग म्हणून उर्वरित मुलांचे नमुने गोळा केले जातील आणि NIV कडे तपासणीसाठी पाठवले जातील. कीटकशास्त्रीय देखरेख देखील केली जाईल आणि गर्भवती महिलांसाठी सावधगिरीचे उपाय योजण्यासाठी कठोर सूचना जारी केल्या आहेत कारण ज्यांना झिका विषाणूचा संसर्ग झाला आहे त्यांना गर्भपात होण्याचा धोका आहे.
या पार्श्वभूमीवर पालघरमधे सर्वेक्षण, किटक व्यवस्थापन, उपचार आणि आरोग्य शिक्षण अशा उपाय योजना केल्या जात आहेत. सध्या राज्याच्या अनेक भागात जोरदार पाऊस पडत आहे, या पार्श्वभूमीवर साथ रोग सर्वेक्षण अधिक जोमानं केलं जात आहे.
अमरावती जिल्ह्यातल्या चिखलदरा आणि अमरावती तालुक्यात आठवडापासून कॉलराचा उद्रेक सुरु आहे. आतापर्यंत कॉलराचे १८१ रुग्ण आढळले. त्यापैकी ५ जणांचा मृत्यू झाला आहे.
उद्रेक बाधित गावांमधे वैद्यकीय पथकं चोवीस तास कार्यरत असून, पाणी गुणवत्ता सनियंत्रण, रुग्ण सर्वेक्षण उपचारासाठी आवश्यक व्यवस्था, लोकशिक्षण इत्यादी उपाय योजनांद्वारे आजाराला आळा घालण्याचा प्रयत्न सुरु असल्याचं आरोग्य विभागानं कळवलं आहे.
हडपसर न्यूज ब्युरो
hadapsarinfomedia@gmail.com
