The hearing was adjourned till August 1 for both parties of Shiv Sena to file affidavits
शिवसेनेच्या दोन्ही पक्षांना प्रतिज्ञापत्र मांडण्यासाठी १ ऑगस्टपर्यंत सुनावणी पुढं ढकलली
नवी दिल्ली : शिवसेना कुणाची या सत्तासंघर्षातल्या प्रश्नावर सर्वोच्च न्यायालयाचे सरन्यायाधीश एन व्ही. रामण्णा यांच्या अध्यक्षतेखाली तीन सदस्यीय खंडपीठासमोर आज सुनावणी झाली.
commons.wikimedia.org
भारताचे सरन्यायाधीश एनव्ही रामण्णा, न्यायमूर्ती कृष्णा मुरारी आणि हिमा कोहली यांच्या नेतृत्वाखालील खंडपीठाने महाराष्ट्राचे मुख्यमंत्री एकनाथ शिंदे यांच्या नेतृत्वाखालील गटाला शिवसेना पक्षप्रमुख उद्धव ठाकरे यांच्या नेतृत्वाखालील गटाने दाखल केलेल्या याचिकांवर प्रतिज्ञापत्र दाखल करण्यासाठी वेळ दिला.
सर्वोच्च न्यायालयानं दोन्ही बाजूंना शुक्रवारपर्यंत प्रतिज्ञापत्र सादर करायला सांगितलं असून, शिवसेना पक्षावरील नियंत्रण आणि महाविकास आघाडी (काँग्रेस-शिवसेना) खाली आणणाऱ्या महाराष्ट्रातील अलीकडच्या राजकीय संकटाशी संबंधित शिवसेनेच्या दोन्ही गटांनी दाखल केलेल्या याचिकांवर सर्वोच्च न्यायालयाने बुधवारी 1 ऑगस्ट रोजी सुनावणी ठेवली.
शिंदे गटाचे ज्येष्ठ वकील हरीश साळवे यांनी ठाकरे गटाने दाखल केलेल्या याचिकांवर उत्तर दाखल करण्यासाठी वेळ मागितला आणि कोर्टाला पुढील आठवड्यात सुनावणी घेण्यास सांगितले.
भविष्यात मोठ्या खंडपीठाच्या स्थापनेचा इशारा देताना, सरन्यायाधीश रमणा म्हणाले, “मला ठामपणे वाटते की काही मुद्द्यांसाठी मोठ्या खंडपीठाची आवश्यकता असू शकते. मोठे खंडपीठ या प्रकरणाची सुनावणी करू शकते.”
सर्वोच्च न्यायालयाने म्हटले आहे की याचिकांमधील मुद्द्यांसाठी पाच न्यायाधीशांच्या खंडपीठाकडे संदर्भ द्यावा लागेल. खंडपीठाने पुढे सांगितले की, सभापती यथास्थिती ठेवतील आणि कोणत्याही अपात्रतेच्या अर्जांवर निर्णय घेणार नाहीत.
सर्वोच्च न्यायालयाने विधानसभेच्या सचिवांना सर्व रेकॉर्ड सुरक्षित कोठडीत ठेवण्यास सांगितले आहे.
हडपसर न्यूज ब्युरो
hadapsarinfomedia@gmail.com
