किसान सन्मान योजनेचा १६ हजार कोटी रुपयांच्या १३ व्या हप्त्याचं वितरण

PM Modi releases 13th instalment of over Rs.16000 crore under Pradhan Mantri Kisan Sammaan Yojana

प्रधानमंत्री नरेंद्र मोदी यांच्या हस्ते किसान सन्मान योजनेचा १६ हजार कोटी रुपयांच्या १३ व्या हप्त्याचं वितरण

बेळगावी: केंद्र आणि राज्य सरकारच्या डबल इंजिन सरकारमुळे सरकारी योजना या वेगाने कार्यान्वित होत असल्याचं प्रधानमंत्री नरेंद्र मोदी यांनी म्हटलं आहे. ते आज बेळगावी इथं आयोजित कार्यक्रमात बोलत होते.

प्रधानमंत्री नरेंद्र मोदी यांनी आज किसान सन्मान योजनेचा १६ हजार कोटी रुपयांचा १३ वा हप्ता वितरित केला. या योजनेद्वारे हे पैसे देशभरातल्या ८ कोटी शेतकऱ्यांच्या खात्यात थेट जमा होणार आहेत. कर्नाटकच्या बेळगावी इथं आयोजित कार्रक्रमात हा हप्ता वितरित केला गेला.

आज प्रधानमंत्र्यांच्या हस्ते नुतनीकरण केलेल्या बेळगावी रेल्वे स्थानकाच आणि रेल्वेच्या दूहेरी मार्गाचंही लोकार्पण त्यांनी केलं. प्रधानमंत्र्यांच्या हस्ते यावेळी कर्नाटकातल्या २ हजार २४० कोटी रुपयांच्या विविध योजनांची पायाभरणीही करण्यात आली.

श्री. मोदी म्हणाले की, ग्रामीण कर्नाटकातील नळ पाणी पुरवठा कव्हरेज 25 टक्क्यांवरून 40 टक्क्यांपर्यंत वाढले आहे. केंद्रीय अर्थसंकल्पात कृषी क्षेत्रासाठीची तरतूद 2014 मधील 25000 कोटी रुपयांवरून आता 1,25,000 कोटी रुपयांपर्यंत वाढली आहे.

सरकार लहान शेतकऱ्यांच्या कल्याणासाठी समर्पित आहे यावर भर देऊन पंतप्रधान म्हणाले की, नैसर्गिक शेतीला प्रोत्साहन देऊन आणि रासायनिक खते आणि कीटकनाशकांचा वापर कमी करून उत्पादन खर्च कमी करण्यासाठी अनेक पावले उचलली जात आहेत. हवामान बदलाचा प्रतिकूल परिणाम कमी करण्यासाठी पारंपारिक शेती तंत्राचा वापर करण्यात येत आहे. बाजरी उत्पादनाला चालना दिली जाते.

इथेनॉलचा वापर वाढल्याने ऊस उत्पादक शेतकऱ्यांना फायदा होत आहे. गोदामे बांधण्यासाठी विशेष सवलत दिली जाते. सहकार क्षेत्राला चालना दिली जाते. काँग्रेसला आपल्या नेत्यांचा अपमान करण्याची सवय असल्याचे पंतप्रधान म्हणाले. त्यांनी भूतकाळातील पक्षाचे ज्येष्ठ नेते एस निजलिंगप्पा आणि वीरेंद्र पाटील यांचा पक्षाने अपमान केल्याच्या घटनांचा उल्लेख केला.

छत्तीसगडमध्ये नुकत्याच पार पडलेल्या पक्षाच्या महासभेत काँग्रेसचे राष्ट्रीय अध्यक्ष मल्लकार्जुन खर्गे यांचा अपमान करण्यात आल्याचेही त्यांनी निदर्शनास आणून दिले.

जनतेच्या आशीर्वादामुळे मोदी तेरी कबरा खुदेगी या काँग्रेसच्या घोषणेचे मोदी तेरा कमल खिलेगामध्ये रूपांतर होईल, असे प्रतिपादन त्यांनी केले. सार्वजनिक मेळाव्याला संबोधित करण्यापूर्वी पंतप्रधान नरेंद्र मोदी यांनी बेळगावी शहरातील रोड शोमध्ये भाग घेतला..

Hadapsar News
हडपसर न्यूज ब्युरो
hadapsarinfomedia@gmail.com