State Board of Education 12th exam results will be announced tomorrow
राज्यशिक्षण मंडळाच्या बारावीच्या परीक्षेचे निकाल उद्या जाहीर होणार
पुणे : महाराष्ट्र राज्य माध्यमिक व उच्च माध्यमिक शिक्षण मंडळामार्फत फेब्रुवारी-मार्च २०२३ मध्ये घेण्यात आलेल्या १२ वीच्या परीक्षेचा निकालाची प्रतीक्षा संपली आहे. हा निकाल उद्या दुपारी २ वाजता ऑनलाईन जाहीर करण्यात येणार आहे.
राज्य शिक्षण मंडळाने फेब्रुवारी मार्च २०२३ घेतलेल्या १२ वी च्या परीक्षेचे निकाल उद्या जाहीर होणार आहेत. मंडळाच्या मुंबई, पुणे, नागपूर, औरंगाबाद, कोल्हापूर, अमरावती, नाशिक, लातूर आणि कोकण या नऊ विभागायी मंडळांनी घेतलेल्या उच्च माध्यमिक प्रमाणपत्र परीक्षा म्हणजेच १२ वीच्या परीक्षेचा निकाल उद्या दुपारी २ वाजता ऑनलाईन जाहीर होईल, असं मंडळाने प्रसिद्ध केलेल्या पत्रकात म्हटलं आहे.
निकालासाठी वेबसाईटचे पत्ते याप्रमाणे आहेत. mahresult.nic.in आणि hsc.mahresults.org.in विद्यार्थ्यांना विषयनिहाय गुणांची यादी या वेबसाईटवरून घेता येईल. गुणपडताळणीसाठी येत्या २६ मे पासून ५ जूनपर्यंत तर उत्तरपत्रिकेच्या छायाप्रतीसाठी १४ जूनपर्यंत अर्ज करता येईल.
Hadapsar News Bureau
हडपसर न्यूज ब्युरो
hadapsarinfomedia@gmail.com
