बिपरजॉय चक्रीवादळाच्या पार्श्वभूमीवर गुजरातच्या कच्छ आणि सौराष्ट्र भागात मुसळधार पावसाचा इशारा

Heavy rain warning for Kutch and Saurashtra areas of Gujarat in the wake of Cyclone Biparjoy

बिपरजॉय चक्रीवादळाच्या पार्श्वभूमीवर गुजरातच्या कच्छ आणि सौराष्ट्र भागात मुसळधार पावसाचा इशारा

बिपरजॉय चक्रीवादळाच्या पार्श्वभूमीवर हवामान विभागाचा गुजरातच्या कच्छ आणि सौराष्ट्र भागात मुसळधार पावसाचा इशारा

अहमदाबाद : बिपरजॉय चक्रीवादळाच्या पार्श्वभूमीवर हवामान विभागानं गुजरातच्या कच्छ आणि सौराष्ट्र भागाला मुसळधार पावसाचा आणि मच्छीमारांसाठी समुद्रात न जाण्याचा धोक्याचा इशारा दिला आहे.

हे चक्रीवादळ येत्या १५ जून रोजी गुजरातच्या कच्छ आणि सौराष्ट्र मार्गे पाकिस्तानच्या कराचीकडे कडे जाणार आहे. या दृष्टीनं हवामान विभागानं गुजरातच्या सर्व बंदरांवर धोक्याचा एलडब्लू ४ चा इशारा दिला आहे.

या चक्रीवादळामुळे १२० ते १३५ किलोमिटर वेगानं वारे वाहणार असून त्याचा वेग १४५ किलोमिटर प्रतितास जाण्याची शक्यता आहे. या वादळाचा फटका द्वारका, पोरबंदर, जामनगर, राजकोट, जुनागढ आणि मोरबी या जिल्ह्यातल्या समुद्रकिनाऱ्यांना बसणार आहे. हे चक्रीवादळ कच्छच्या मांडवी पासून ते पाकिस्तानच्या कराची पर्यंतच्या समुद्रकिनाऱ्यांवर थडकणार आहे. या काळात मच्छीमारांनी समुद्रात जाऊ नये असा कठोर इशारा देण्यात आला आहे.

गुजरात हवामान विभागाच्या प्रादेशिक संचालक सुश्री मोहंती यांनी सांगितले की, या संभाव्य वादळाचा प्रभाव राज्यातील 6 किनारी जिल्हे आणि इतर काही भागात 14 जूनपासून दिसण्याची शक्यता आहे. 15 जून रोजी समुद्राची स्थिती खडबडीत आणि उच्च ते अभूतपूर्व असण्याची शक्यता आहे. मच्छिमारांना 15 जूनपर्यंत समुद्रात जाऊ नये अशी सक्त सूचना देण्यात आली आहे.

मुख्यमंत्री भूपेंद्र पटेल यांनी राज्य आपत्कालीन ऑपरेशन केंद्रातील जिल्ह्यांसोबत व्हिडिओ कॉन्फरन्स घेऊन परिस्थितीचा आढावा घेतला. किनारी जिल्ह्यांतील ऑपरेटर्सना आपत्ती व्यवस्थापन मार्गदर्शनासाठी नऊ मंत्री जबाबदार असतील आणि तीन दिवस आपत्ती व्यवस्थापने मध्ये राहतील.

या संभाव्य आपत्तीच्या काळात हवे असल्यास हवाई दल, नौदल, तटरक्षक दल आणि लष्कराच्या मदतीसाठी राज्य सरकारने समन्वय साधला आहे आणि या एजन्सी देखील आपत्ती व्यवस्थापनासाठी सज्ज आहेत.

एनडीआरएफच्या एकूण सात तुकड्या राजकोट, कच्छ, मोरबी, जामनगर आणि द्वारका येथे तैनात करण्यात आल्या असून वडोदरा येथे 3 टीम्स स्टँडबायवर ठेवण्यात आल्या आहेत. SDRF च्या 12 पथके देखील तैनात आहेत आणि आवश्यकतेनुसार त्या भागात पोहोचण्यासाठी सज्ज आहेत.

Hadapsar News Bureau
हडपसर न्यूज ब्युरो
hadapsarinfomedia@gmail.com