कौशल्य विकास कार्यक्रमाची विशेष नोंदणी मोहीम

Special Registration Campaign of Skill Development Programme

कौशल्य विकास कार्यक्रमाची विशेष नोंदणी मोहीम

आवश्यक कौशल्यांची गरज एकत्रित करण्याकरीता ‘कौशल्याची मागणी सर्वेक्षण’

उद्योगांच्या मनुष्यबळामध्ये कौशल्याची आवश्यकता नोंदणी मोहीम

पुणे : राज्यात कौशल्य विकास कार्यक्रमाच्या प्रभावी अंमलबजावणीकरीता राज्यातील युवक-युवतींना आवश्यक असलेले आणि त्यांनी मागणी केलेले कौशल्य तसेच प्रत्येक जिल्ह्यामध्ये उत्पादन व सेवा क्षेत्रातील सूक्ष्म, लघु व मोठ्या उद्योगांतील कुशल, अर्धकुशल अकुशल अशा विविध प्रकाराच्या जॉबरोलनिहाय आवश्यक कौशल्यांची गरज एकत्रित करण्याकरीता ‘कौशल्याची मागणी सर्वेक्षण’ व उद्योगांच्या मनुष्यबळामध्ये कौशल्याची आवश्यकता नोंदणी मोहीम १५ ऑगस्टपर्यंत राबविण्यात येत आहे.

उमेदवार व उद्योग दोहोंची गरज लक्षात घेऊन प्रशिक्षण प्रदान केल्यास, त्याद्वारे उमेदवारांच्या प्रशिक्षणादरम्यान स्वारस्यामध्ये वृद्धी होऊन अनुपस्थितीचे प्रमाण कमी होऊन प्रशिक्षणामध्ये यशस्वी उमेदवारांना रोजगार-स्वयंरोजगाराच्या अधिक प्रमाणात संधी उपलब्ध होऊ शकणार आहेत.

या मोहिमेदरम्यान उमेदवारांनी आपली माहिती सादर करण्याकरिता लिंक https://forms.gle/kYtSxbVhrZ2s7z6q8

ही तर उद्योजकांसाठीची लिंक https://forms.gle/3LQGQTayTnk2gZWk9 ही आहे,

तरी जिल्ह्यातील अधिकाधिक उमेदवारांनी व उद्योजकांनी १५ ऑगस्ट २०२३ पूर्वी कौशल्य विकास प्रशिक्षणासंबंधीची माहिती विहीत लिंकद्वारे सादर करावी.

याबाबत अधिक माहितीसाठी जिल्हा कौशल्य विकास, रोजगार व उद्योजकता मार्गदर्शन केंद्र, पुणे येथे संपर्क साधावा, असे आवाहनही केंद्राचे प्र. सहायक आयुक्त सा. बा. मोहिते यांनी केले आहे.

Hadapsar News Bureau
हडपसर न्यूज ब्युरो
hadapsarinfomedia@gmail.com

हे ही अवश्य वाचा

मतदार जागृतीसाठी ‘अभिव्यक्ती मताची’ या विषयांतर्गत तीन स्पर्धा