जिल्हाधिकाऱ्यांच्या हस्ते मतदार जनजागृती मोहिमेच्या शुभंकर चिन्हांचे अनावरण

Unveiling of mascot symbols of voter awareness campaign by District Collector

जिल्हाधिकाऱ्यांच्या हस्ते मतदार जनजागृती मोहिमेच्या शुभंकर चिन्हांचे अनावरण

पुणे : लोकसभा सार्वत्रिक निवडणूक -२०२४ मध्ये अधिकाअधिक नागरिकांना मतदान करण्यासाठी प्रोत्साहित करावे यादृष्टिने मुख्य निवडणूक अधिकारी कार्यालयातर्फे सुरू करण्यात आलेल्या जनजागृती मोहिमेचे शुभंकर चिन्ह ‘एकी’चे अनावरण जिल्हाधिकारी डॉ. सुहास दिवसे यांच्या हस्ते करण्यात आले.

यावेळी जिल्हा परिषदेचे मुख्य कार्यकारी अधिकारी रमेश चव्हाण, निवासी उपजिल्हाधिकारी ज्योती कदम, उप जिल्हा निवडणूक अधिकारी मीनल कळसकर, स्वीप समन्वयक अधिकारी तथा उपजिल्हाधिकारी अर्चना तांबे, विभागीय माहिती उपसंचालक डॉ. पुरुषोत्तम पाटोदकर आदी उपस्थित होते.

मतदार जनजागृती करण्यासाठी शुभंकर चिन्ह असलेले सेल्फी स्टँड तयार करण्यात आले आहे. यावर प्रदर्शित ‘एकी’ नागरिकांना मतदान करण्याचे आवाहन करणार आहे. या मोहिमेच्या माध्यमातून मतदार नोंदणी, मतदार यादीतील तपशिलात बदल आदी माहितीही देण्यात येणार आहे.

जिल्हाधिकारी श्री. दिवसे आणि मुख्य कार्यकारी अधिकारी श्री. चव्हाण यांनी स्वत: सेल्फी घेऊन या मोहिमेचा शुभारंभ केला. यावेळी श्री. दिवसे यांनी जिल्ह्यातील अधिकाधिक मतदारांना मतदान करण्यासाठी प्रोत्साहित करण्याच्या सूचना दिल्या.

Hadapsar News Bureau
हडपसर न्यूज ब्युरो
hadapsarinfomedia@gmail.com

हे ही अवश्य वाचा

जिल्ह्यात ३ मार्च रोजी राष्ट्रीय लोक अदालतीचे आयोजन