5 ई-स्कूटर्स, नवीनतम आधुनिक तंत्रज्ञानासह.
“स्वदेशी बॅटरी तंत्रज्ञान, स्पेअरपार्ट चे स्थानिकीकरण आणि देशांतर्गत प्रचंड मागणी यामुळे इलेक्टिक व्हेइकल्स (ईव्ही) ह्या येत्या काही वर्षांत वाहतुकीचे सर्वात स्वस्त साधन बनतील.” केंद्रीय रस्ते वाहतूक आणि महामार्ग मंत्री नितीन गडकरी.
पूर्वी पुणे शहराला सायकलचे शहर म्हटले जायचे, मात्र आता ते बाइक आणि स्कूटरचे शहर म्हणून ओळखले जाते. पुण्यातील जवळजवळ प्रत्येक कुटुंबाकडे कुटुंबाच्या आकारानुसार किमान 1 ते 3/4 बाईक/स्कूटर आहेत .
याचे कारण म्हणजे खराब सार्वजनिक वाहतूक व्यवस्था, मुख्यत्वे शहर बसेस नागरिकांना तत्पर सेवा पुरवण्यासाठी पुरेशा नाहीत, या बस पुणे महानगर परिवहन महामंडळ लिमिटेड चालवतात. या बसेसमध्ये सतत गर्दी असते, आसन व्यवस्थाही फारशी चांगली नाही आणि या बसेस धुराचे लोट उडवत असतात. मात्र, गेल्या ५-६ वर्षांत या बसेस सीएनजी आणि ईव्हीवर हि धावत आहेत. त्या पर्यावण पूरक आणि जास्त आरामदायी आहेत. तरीही या मध्ये वक्तशीरपणाचा आभाव आहे.
पेट्रोलचे दर गगनाला भिडले आहेत , पेट्रोलच्या दराने शतक ओलांडले आहे; सध्या पुण्यात प्रति लिटर पेट्रोलचा दर सुमारे रु.109/- इतका आहे आणि वाढत आहे.
सामान्य माणसासाठी किंवा मध्यमवर्गीय माणसासाठी जगणे खूप अवघड आहे, कोरोना साथीच्या आजारामुळे जवळपास सर्वच जण त्रस्त झाले आहेत, या परिस्थितीत या वर्गासाठी पेट्रोलवर चालणारे वाहन वापरणे हे किफायतशीर नाही.
सरकार इलेक्ट्रिक व्हेईकल EV चाही प्रचार करत आहे, याचे कारण म्हणजे EV मुळे भारतातील कच्च्या तेलाची आयात कमी होण्यास मदत होईल आणि EV या पर्यावरणास अनुकूल आहेत ज्यांना आवाज नाही, प्रदूषण विरहित वाहने आहेत. जर लोकांनी ईव्ही वापरण्यास सुरुवात केली तर देश बरेच परकीय चलन वाचवेल जे अन्यथाते मोठ्या प्रमाणावर कच्चे तेल खरेदीसाठी वापरले जाते.
लोक इलेक्ट्रिक व्हेईकल वापरण्यास तयार नसण्याचे मुख्य कारण म्हणजे त्यांची किंमत, ते पेट्रोल वाहनांपेक्षा जास्त महाग आहेत आणि दुसरे कारण म्हणजे वाहनांची गती आणि ड्रायव्हिंग रेंज (सिंगल चार्जमध्ये) आहे.
भारतात इलेक्ट्रिक व्हेईकलचा प्रचार करण्यासाठी FAME [भारतातील (India’s fast adoption and production of (hybrid and) electric vehicles (FAME-India)] ने इलेक्ट्रिक व्हेईकल वर सबसिडी वाढवली आहे,
जरी EV’s (REVA कार) भारतात 2001 च्या आसपास लाँच झाली आणि इतर दुचाकींच्या लाँचनंतर; दोन कारणांमुळे लोक ईव्ही वापरण्यास तयार होत नव्हते, एक म्हणजे चार्जिंग स्टेशन आणि दुसरे म्हणजे ईव्हीच्या किंमतीव्यतिरिक्त वाहनांची धाव (ड्रायव्हिंग रेंज/ सिंगल चार्जमध्ये किमी ).
शहरात इलेक्ट्रिक बसेस धावताना आणि एका चार्जमध्ये 300 किमीपर्यंतचा पल्ला पाहून लोकांचा आत्मविश्वास वाढला. पेट्रोलच्या दरवाढीमुळे पेट्रोल वाहन घ्यायचे की नाही हा निर्णय घेताना सर्वसामान्यांच्या विचारात नक्कीच बदल झाला असल्याचे जाणवते.
सध्याच्या परिस्थितीत, आपल्याला EV रस्त्यावर धावताना दिसत आहे आणि लोक त्यांच्या गरजेनुसार EV चा वापर करू लागले आहेत. तथापि, त्यांच्यापैकी बहुतेक वैयक्तिक वापरासाठी लांब ड्रायव्हिंग रेंजच्या ईव्हीला प्राधान्य देतात.
आपण काही निकषावर ईव्ही आणि पेट्रोल वाहनांची तुलना करू शकतो.
वाहनांची किंमत:- भारतीय ग्राहक कोणतेही उत्पादन खरेदी करताना किमतीच्या बाबतीत अधिक संवेदनशील असतात. ईव्ही पेट्रोल वाहनांपेक्षा महाग असतात कारण इलेक्ट्रिक स्कूटर लिथियम-आयन बॅटरीवर चालतात, त्या बॅटरी महाग असतात. मात्र, आता सरकारने अनुदान दिल्याने वाहनांच्या किमतीत फरक पडला आहे.
वाहनांची श्रेणी: पेट्रोल वाहनांमध्ये इंजिनच्या क्षमतेच्या आधारावर उत्पादनांची विस्तृत श्रेणी असते. EV च्या विकासाच्या सुरुवातीच्या टप्प्यात आहेत आणि त्यामुळे पेट्रोल वाहनांच्या तुलनेत EV मध्ये फक्त काही पर्याय उपलब्ध आहेत.
इंधन खर्च:- इलेक्ट्रिक स्कूटर एक लिटर इंधनाच्या 15% किमतीत पेट्रोल स्कूटरइतकेच मायलेज देते. त्यामुळे इलेक्ट्रिक स्कूटर पेट्रोल स्कूटरपेक्षा जास्त इंधन-कार्यक्षम असतात.
वाहनांची ऑपरेशनल ड्रायव्हिंग रेंज: EVs बहुतेक शहरासाठी अनुकूल असतात कारण EV चा ड्रायव्हिंग रेंज त्यांच्यामध्ये वापरलेल्या बॅटरीवर अवलंबून किमान 40 ते 150 KM आहे. दैनंदिन वापरासाठी आणि कमी-रेंजसाठी, हे पेट्रोल वाहनांच्या तुलनेत उपयुक्त आहेत. लांब पल्ल्यासाठी हे योग्य नाहीत, कदाचित भविष्यात EV ला लांब ड्रायव्हिंग रेंजचे पर्याय असतील.
सुविधा: इलेक्ट्रिक स्कूटरला पूर्ण चार्ज करण्यासाठी किमान दोन तास लागतात. हेच पेट्रोल स्कूटर किंवा बाईकच्या बाबतीत नाही, पेट्रोल पम्पवर इंधन भरण्यासाठी काही मिनिटे लागतात. काही ई-स्कूटर उत्पादकांकडे आपत्कालीन स्थितीत बॅटरी बदलण्याचा पर्याय आहे, तथापि, पेट्रोल पम्प इतकी संख्या बॅटरी बदलण्याचे बॅटरी/चार्जिंग स्टेशन्स असण्यास वेळ लागेल.
मेंटेनन्स: ईव्ही मेंटेनन्स फ्री असतात त्यामुळे देखभालीच्या बाबतीत ईव्ही पेट्रोलपेक्षा सरस असतात. फक्त तुम्ही वाहन नियमितपणे चार्ज करत राहणे आवश्यक आहे आणि ते स्वच्छ ठेवणे आवश्यक आहे. पेट्रोल वाहनांसाठी आम्हाला वाहनांच्या धावण्यावर अवलंबून सर्व्हिसिंग आवश्यक आहे. त्यांना ऑइलिंग आवश्यक आहे, वरचे वर सर्व्हिसिंगची गरज असते.
थोडक्यात EV चे पेट्रोल वाहनांपेक्षा बरेच फायदे आहेत. ईव्ही चा आवाज खूप कमी आहे आणि ते पर्यावरणास अनुकूल आणि प्रदूषणरहित आहेत. धावण्याची किंमत सुमारे 20-30 पैसे प्रति किमी आहे. दिवसेंदिवस तंत्रज्ञान सुधारत आहे आणि नजीकच्या भविष्यात EV’s देखील अधिक ड्रायव्हिंग रेंज आणि कमी चार्जिंग वेळेसह उपलब्ध होतील.
या सर्व फायद्यांमुळे, ईव्हीची विक्री वाढत आहे. सध्या, आपल्याकडे दोन पर्यायांसह EV आहेत एक ज्यासाठी ड्रायव्हिंग लायसन्स आवश्यक आहे आणि दुसरा कोणत्याही ड्रायव्हिंग लायसन्सची आवश्यकता नाही. उच्च शक्ती असलेल्या EV ला ड्रायव्हिंग लायसन्स आणि नोंदणी आवश्यक आहे परंतु कमी पॉवर असलेल्या ईव्हीसाठी ड्रायव्हिंग परवाना आणि नोंदणी आवश्यक नाही. कमी उर्जा असलेली ईव्ही 250 वॅट मोटरसह सुसज्ज आहे, आणि त्याचा वेग 25 KMPH पेक्षा जास्त नाही. चला तर मग जाणून घेऊया की तुम्हाला ईव्ही (ई-स्कूटर) साठी जायचे असल्यास उच्च शक्तीच्या ईव्हीमध्ये कोणते सर्वोत्तम पर्याय उपलब्ध आहेत.
ह्या आहेत 5 हाय पॉवर ई स्कूटर्स. ज्यासाठी ड्रायव्हिंग लायसन्स आणि नोंदणी आवश्यक आहे. (5 हाय पॉवर ई स्कूटर त्यांच्या अद्याक्षरानुसार)
अँपिअर मॅग्नस इक्स
अथेर 450 एक्स
बजाज चेतक
इ-प्लूटो 7 जी
ओकिनावा: प्रेज प्रो
अँपिअर मॅग्नस-एक्स.
अँपिअर(APMERE) अनेकदा amp असे संक्षिप्त रूपात वापरले जाते. हे एककांच्या आंतरराष्ट्रीय प्रणालीमध्ये विद्युत प्रवाहाचे मूळ एकक आहे. मला असे वाटते की त्यामुळे, हे नाव अँपिअर
इलेक्ट्रिकने निवडले आहे, ज्या कंपनीने इलेक्ट्रिक वाहनाचे प्रमुख घटक स्वदेशी बनवले आहेत. हा ग्रीव्हज इलेक्ट्रिक मोबिलिटी अंतर्गत ब्रँड आहे. कंपनीकडे ई-स्कूटर्सचे 7 विविध प्रकार आहेत. या स्कूटर क्लास, परफॉर्मेन्स आणि कंफर्ट सह नाविन्यपूर्ण वैशिष्ट्यांमध्ये सर्वोत्तम आहेत.
Ampere Magnus X ही पेट्रोल स्कूटरसारखी दिसते. स्कूटर शहरात चालविण्यास सोयीस्कर आहे. ही स्कूटर आराम, कार्यक्षमता, सुविधा, बचत, सुरक्षितता आणि विश्वासार्हता यावर अतिरिक्त भर देते.
या स्कूटरच्या वैशिष्ट्यांमध्ये डिटेचेबल बॅटरी, डिजिटल डॅशबोर्ड,
USB चार्जर, LED लाइटसह स्टोरेज साठी मोठी बूट स्पेस आहे . यात एक सस्पेंशन फ्रंट – टेलिस्कोपिक, रिअर – कॉइल स्प्रिंग आहे. या ई-स्कूटरचा ड्रायव्हिंग रेंज 84 किमी आहे.
यात 60V, 28Ah प्रगत लिथियम बॅटरी, is1200 वॅट्सची मोटर पॉवर आहे
मॅग्नस EX हे विशेषतः भारतीय ग्राहक आणि त्यांची मानसिकता, जीवनशैली, भारतीय रस्ते यांचा विचार करून डिझाइन आणि विकसित केले आहे. Magnus EX ची ऑन-रोड किंमत रु. ६८,९९९/-
अथेर 450X .
अथेर 450x ची टॅगलाइन ‘ऑल ब्रेन, ऑल पॉवर, ऑल इलेक्ट्रिक’ , भविष्यातील राइड अथेर 450X अपेक्षे पेक्षा चांगलीअसेल, अशी की तुम्ही कल्पना केलेली प्रत्येक गोष्ट.
अथेर 450X मध्ये नवीनतम आधुनिक तंत्रज्ञान आणि वैशिष्ट्ये आहेतअथेर E स्कूटर अथेर 450 Plus आणिअथेर 450 X या दोन मॉडेलसह येते. अथेर 450X हे टॉप एंड मॉडेल आहे.
अथेर 450X मध्ये 6000 W PMSM मोटर आहे ती पूर्ण चार्ज होण्यासाठी 5 ते 6 तास लागतात. अथेर 450x चा मायलेज रेज इको मोडमध्ये 116 KM आहे. आणि सामान्य मोडमध्ये 85 KM. अथेर 450 मध्ये रॅप मोड देखील आहे. यात पुढील आणि मागील चाकांसाठी डिस्क ब्रेक आहेत. यात फास्ट चार्जिंगचा पर्यायही आहे. स्कूटरमध्ये मोबाइल कनेक्टिव्हिटी आणि ब्लूटूथ, एलईडी दिवे, डिजिटल ओडोमीटर, डिजिटल स्पीडोमीटर आहे.अथेर 450 X तीन रंगांमध्ये उपलब्ध आहे. रिव्हर्स गियर पार्क सहाय्य म्हणून मदत करते.
अथेर 450 x मध्ये Android Open आणि OS ऑपरेटिंग सिस्टमशी कनेक्टिव्हिटी आहे.अथेर 450 Plus ची एक्स-शोरूम किंमत रु. 1,13,416 आहे आणि अथेर 450 X ची दिल्लीत किंमत रु. 1.32 लाख आहे.
अथेर 450 मध्ये राइड स्टॅट्स, लाइव्ह लोकेशन, व्हेईकल स्टेट ट्रॅकिंग, म्युझिक कंट्रोल, कॉल कंट्रोल, व्हॉईस असिस्टंट आणि टायर प्रेशर मॉनिटरिंग सिस्टीम यांसारखी वैशिष्ट्यपूर्ण वैशिष्ट्ये आहेत. त्यामुळे आधुनिक वैशिष्ट्यांनी भरलेल्या सर्वोत्तम ईव्हींपैकी अथेर 450 एक आहे.
चेतक: द फ्युचर ऑफ मोबिलिटी, हमरा कल.
चेतक ही बजाज ऑटोने उत्पादित केलेली सर्वोत्कृष्ट प्रीमियम स्कूटर होती, 1972 मध्ये ‘चेतक’ लाँच केली होती. चेतक ही ‘व्हॅल्यू फॉर मनी फॉर इयर्स’ या टॅगलाइनसह भारतातील सर्वात यशस्वी 
स्कूटर होती. चेतक हे दोन दशकांहून अधिक काळ भारतीय मध्यमवर्गीयांच्या घराघरात पोहचले होते. बजाज चेतक पियाजिओच्या वेस्पा स्प्रिंट स्कूटरवर आधारित होती. 2006 मध्ये स्कूटरचे उत्पादन बंद झाले. लोक अजूनही दर्जेदार उत्पादन म्हणून ‘बजाज चेतक’ लक्षात ठेवतात. त्यामुळे बजाज ऑटोने याच नावाने ई-स्कूटर लॉन्च करण्याचा निर्णय घेतला असावा.
Ather 450 प्रमाणे, बजाज चेतक देखील URBAN आणि PREMIUM या दोन व्हर्जनमध्ये उपलब्ध आहे. चेतक सहा रंगांमध्ये उपलब्ध आहे. उत्तम डिझाइन, सीमलेस स्टाइल आणि फ्लश फिट केलेले एक्सटीरियर्स आहे. चेतक स्टील बॉडी पॅनल्ससह वॉटर प्रोटेक्शनसह येते, जसे की व्हॅल्यू फॉर मनी फॉर इयर्स.
चेतकची ड्रायव्हिंग रेंज किंवा राइडिंग रेंज ECO मोडमध्ये पूर्ण चार्जमध्ये 90 KM आहे. बजाज चेतकला 4080 W BLDC मोटर आहे. चेतकला त्याची 48 V, 60.3 Ah बॅटरी पूर्णपणे चार्ज होण्यासाठी 5 तास लागतात.
चेतकमध्ये फ्रंट डिस्क ब्रेक आणि रियर ड्रम ब्रेक आहे, यात कॉम्बी ब्रेक सिस्टम आहे त्यामुळे ड्रायव्हिंग अधिक सुरक्षित होते.
इतर वैशिष्ट्यांमध्ये डिजिटल स्पीडोमीटर, डिजिटल ओडोमीटर, डिजिटल ट्रिप मीटर, डिजिटल कन्सोल, पास स्विच, घड्याळ, राइडिंग मोड आणि इतर वैशिष्ट्ये समाविष्ट आहेत.
बजाज चेतकची किंमत 1 लाख रुपयांपासून सुरू होते आणि 1.15 लाख रुपयांपर्यंत जाते (एक्स-शोरूम, दिल्ली).
प्युअर ई प्लूटो 7 जी (Pure E Pluto 7G) :
ई प्लूटो 7 जी ची निर्मिती हैदराबादस्थित कंपनी Pure EV या भारतीय इलेक्ट्रिक दुचाकी उत्पादक कंपनीने केली आहे. ईव्ही व्यतिरिक्त, ब्रँड लिथियम-आयन बॅटरी देखील तयार करतो.
E Pluto 7G ही हाय-स्पीड इलेक्ट्रिक स्कूटर आहे ज्याचा टॉप स्पीड 60kmph आहे, पूर्ण चार्ज झालेल्या बॅटरीमध्ये स्कूटरची ड्रायव्हिंग रेंज सुमारे 90-120 Kms आहे. शहरातील व्यस्त रस्त्यांवर आरामदायी राइडिंग अनुभवासाठी ही प्रीमियम इलेक्ट्रिक स्कूटर आहे.
E Pluto 7G 2200 W ब्रशलेस हब मोटरद्वारे समर्थित आहे, त्याची 60 V, 2.5 Kwh बॅटरी पूर्णपणे चार्ज होण्यासाठी 4 तास लागतात. ही स्कूटर स्टॅंडर्ड आणि सहा रंगांमध्ये उपलब्ध आहे. E Pluto 7G व्हेस्पा आणि बजाज चेतक सारखे गोल आकाराचे हेडलाइट्स, क्रोम-फिनिश्ड मिरर, प्लश बॉडी पॅनेल्स आणि सर्वत्र स्वूपिंग लाइन्ससह दिसते. यात फ्रंट डिस्क ब्रेक आणि रियर ड्रम ब्रेक, डिस्प्ले 5 इंच MF LED, रिम कास्ट अलॉय, एलईडी हेडलॅम्प, स्मार्ट लॉकसह चोरीविरोधी तरतूद, आणि रीजनरेटिव्ह ब्रेकिंग, टेलिस्कोपिक फोर्क्स आणि मोनो-शॉक आहे.
E Pluto 7G ची एक्स-शोरूम किंमत रु.83,999/- आहे
ओकिनावा : प्रेज प्रो
Okinawa Autotech Pvt Ltd ही 100% भारतीय EV उत्पादन करणारी कंपनी आहे जी राजस्थानमध्ये 2015 मध्ये स्थापन झाली होती. कंपनीकडे सुमारे 7 इलेक्ट्रिक स्कूटर आहेत आणि लवकरच
8 वे उत्पादन लाँच केले जाईल. ‘स्मार्ट, नाविन्यपूर्ण, स्टायलिश, आरामदायी आणि ऊर्जा-कार्यक्षम वाहने वितरित करणे आणि येणाऱ्या पिढीसाठी परवडणाऱ्या पर्यावरणपूरक तंत्रज्ञानाचा बेंचमार्क बनणे हे कंपनीचे ध्येय आहे.
Okinawa Praise PRO ही एक प्रीमियम ई-स्कूटर आहे, यात स्टीयरिंग युनिटमध्ये वळण निर्देशकांसह आकर्षक शैलीतील एलईडी हेडलॅम्प आहे. मोटार मधून 1000 w पॉवर निर्माण करते. पूर्ण चार्ज झालेल्या बॅटरीमध्ये ओकिनावा प्रेज प्रो चा कमाल वेग ५८ किमी आणि ड्रायव्हिंग रेंज ८८ किमी आहे. Okinawa Praise लिथियम-आयन बॅटरीसह 72V/ 45Ah द्वारे समर्थित आहे. Okinawa Praise Pro दोन रंगांच्या छटांमध्ये ऑफर केली आहे- ग्लॉसी रेड ब्लॅक आणि ग्लॉसी स्पार्कल ब्लॅक.
स्कूटरमध्ये इलेक्ट्रोनिकली असिस्टेड ब्रेकिंग सिस्टमसह पुढील आणि मागील दोन्ही चाकांसाठी डिस्क ब्रेक आहेत. यात तीन ड्रायव्हिंग मोड्स इको, स्पोर्ट आणि टर्बो आहेत, ही ई-स्कूटर इको मोडमध्ये 30-35kmph, स्पोर्ट्स मोडमध्ये 50-60kmph आणि Turbo मोडमध्ये 65-70kmph वेगाने धावते. इतर वैशिष्ट्यांमध्ये साइड-स्टँड इंडिकेटर, अँटी-थेफ्ट सेन्सर, कीलेस एंट्री आणि फाइंड-माय स्कूटर यांचा समावेश आहे. हे समोरच्या बाजूला टेलिस्कोपिक फॉर्क्स आणि मागील बाजूस ड्युअल शॉक ओब्सर्वर चालते. Okinawa Praise Pro दोन रंगांच्या छटांमध्ये ऑफर केली आहे.
Okinawa Praise Pro ची भारतात किंमत रु. 76848 पासून सुरू होते (ऑन-रोड किंमत दिल्ली)
निष्कर्ष
वरील 5 पॉवर ई-स्कूटर्स व्यतिरिक्त आणखी दोन ई-स्कूटर लवकरच पुण्यात लॉन्च होणार आहेत, त्या म्हणजे TVS चे I Qube आणि Ola चे OLA S1. त्यामुळे ई-स्कूटर्सच्या मार्केटमध्ये गतिशीलता येऊन स्पर्धा वाढेल.
तथापि, एखादी व्यक्ती त्यांच्या आवश्यकता, प्राधान्ये, वैशिष्ट्ये, तांत्रिक तपशील, किंमत इत्यादींवर अवलंबून ईव्ही/ई-स्कूटर निवडू शकते.
ई-स्कूटर्स केवळ आवाजविरहित आणि पर्यावरणास अनुकूल आहेत आणि ई-स्कूटर्स नक्कीच तुमचे पैसे वाचवतील. कारण पेट्रोल स्कूटरच्या तुलनेत चालवण्याचा खर्च खूपच कमी आहे. आता सरकारी अनुदानामुळे ई-स्कूटरची किंमत पेट्रोल स्कूटरच्या किंमतीशी स्पर्धात्मक आहे.
सध्याचे पेट्रोलचे दर लक्षात घेता लोकल प्रवासासाठी इलेक्ट्रिक स्कूटर हा सर्वोत्तम पर्याय ठरणार आहे.
मला आशा आहे की वर नमूद केलेल्या माहिती तुम्हाला तुमची ई-स्कूटर निवडण्यात मदत करेल. तुमची निवड कोणती? कृपया मला कमेंट बॉक्समध्ये कळवा.
