नवीन सहकार क्षेत्र धोरण लवकरच जाहीर केले जाईल: केंद्रीय सहकार मंत्री.
अमित शाह म्हणाले की, नवीन सहकार क्षेत्र धोरण लवकरच जाहीर केले जाईल जे पुढील अनेक दशकांच्या गरजा पूर्ण करेल. ते आज अहमदनगर जिल्ह्यातील लोणी येथे भाजपचे ज्येष्ठ नेते राधाकृष्ण विखे पाटील यांनी आयोजित केलेल्या सहकार परिषद व शेतकरी मेळाव्याला संबोधित करत होते.
लोणी ही सहकार चळवळीची ‘काशी’ असून विठ्ठलराव विखे-पाटील, धनंजय गाडगीळ, वैकुंठभाई मेहता यांनी या चळवळीला गती दिली, असे ते म्हणाले. सहकाराचे महत्त्व लक्षात घेऊन मोदी सरकारने त्यासाठी स्वतंत्र मंत्रालयाची निर्मिती केली आहे कारण सहकार आजही प्रासंगिक आहेत आणि त्यांच्या माध्यमातून ‘सबका साथ सबका विकास’ साध्य होऊ शकतो, असे शाह म्हणाले.
एकेकाळी आदर्श समजल्या जाणाऱ्या सहकारी बँकांमधील भ्रष्टाचारावर त्यांनी व्यथा मांडली. शाह म्हणाले की सहकार चळवळीत पारदर्शकता आणून ती पुढील अनेक वर्षे टिकू शकते आणि केंद्र सरकार चळवळीला आवश्यक ती सर्व मदत करेल.
यावेळी पद्मश्री पुरस्कारप्राप्त पोपटराव पवार आणि राहीबाई पोपेरे यांचा शाह यांच्या हस्ते सत्कार करण्यात आला. यावेळी केंद्रीय रेल्वे राज्यमंत्री रावसाहेब दानवे, केंद्रीय अर्थमंत्री डॉ.भागवत कराड, माजी मुख्यमंत्री देवेंद्र फडणवीस, माजी केंद्रीय मंत्री राधाकृष्ण विखे-पाटील आदी मान्यवर उपस्थित होते.
