आता दररोज होणार भगवान श्री रामललाचे दिव्य दर्शन!

Now every day there will be divine darshan of Lord Shri Ramlala!

आता दररोज होणार भगवान श्री रामललाचे दिव्य दर्शन!

नवी दिल्ली : दूरदर्शन (DD) नॅशनल दररोज सकाळी 6.30 वाजता अयोध्येतील अलीकडेच उद्घाटन झालेल्या राम मंदिरातून आरती सोहळ्याचे थेट प्रक्षेपण करेल, असे सरकारी प्रसारकांनी सांगितले.

अयोध्येतील श्री रामलला मंदिरातील दैनंदिन आरतीचे थेट प्रक्षेपण दररोज सकाळी 6:30 वाजता फक्त #DDNational या वाहिनीवर करण्यात येत आहे.

“प्रभू रामाच्या मूर्तीचा अभिषेक झाल्यानंतर आम्ही सकाळच्या दैनंदिन आरतीच्या थेट प्रक्षेपणासाठी परवानगी मिळवण्याचा प्रयत्न करत होतो. आता मान्यता मिळाल्यामुळे, जे भाविक विविध कारणांमुळे अयोध्येला भेट देऊ शकत नाहीत ते डीडी नॅशनलद्वारे प्रभू रामाचे दर्शन घेऊ शकतात,” एका अधिकाऱ्याने सांगितले.

एक्सवर एका पोस्टमध्ये, दूरदर्शनने सांगितले की, “डीडी नॅशनल दररोज सकाळी ६.३० वाजता होणारी राम लल्लाची ‘आरती’ थेट प्रसारित करणार आहे.

“प्रभू रामाच्या भक्तांची अपार श्रद्धा लक्षात घेऊन ही “सुविधा दिली जाणार आहे. “आता, तुम्हाला दररोज घरबसल्या प्रभु श्री रामाचे दर्शन घेता येईल,” .

अयोध्येतील राम मंदिरातून दररोज सकाळी ३० मिनिटांसाठी सकाळची आरती प्रसारित करण्याच्या विशिष्ट निर्णयाबाबत अधिकारी म्हणाले: “आता, रामनवमी जवळ आली आहे आणि राम मंदिराच्या उद्घाटनानंतर, आरती प्रसारित करण्याची हीच योग्य वेळ आहे असे आम्हाला वाटले, या दृष्टीकोनामुळे आम्ही (श्री रामजन्मभूमी तीर्थ क्षेत्र) ट्रस्टला त्यासाठी विनंती केली आणि त्यांनी संमती दिली. सुरुवातीला प्रसार भारती काही महिन्यांसाठी “मंगल आरती” प्रसारित करेल आणि नंतर ती पुढे कशी न्यावी यावर राम मंदिर ट्रस्ट निर्णय घेईल.

मंत्री अनुराग ठाकूर यांनी X वर पोस्ट केले, “राम भक्तांची भगवान श्री रामावरील अपार श्रद्धा लक्षात घेऊन, प्रसार भारतीने हे सुरू केले आहे. ही खूप मोठी सुविधा आहे.”

“लोक राम मंदिराशी जोडण्यास उत्सुक आहेत कारण त्याच्या भव्य उद्घाटनाला दोन महिने झाले आहेत, आणि प्रत्येकला मंदिराला भेट येऊन प्रार्थना करणे शक्य नाही. त्यामुळे ही सुविधा फायदेशीर ठरणार आहे. ट्रस्टकडे थेट प्रक्षेपणासाठी आत्तापर्यंत लॉजिस्टिक व्यवस्था नसल्यामुळे “दूरदर्शन दैनंदिन विधीच्या कव्हरेजसाठी मंदिराच्या आवारात दोन-तीन सदस्य टीमची नेमणुक करणार आहे.” असे दुरदर्शनच्या दुसऱ्या अधिकाऱ्याने सांगितले

Hadapsar News Bureau
हडपसर न्यूज ब्युरो
hadapsarinfomedia@gmail.com

हे ही अवश्य वाचा

राहुल गांधी यांच्या भारत जोडो न्याय यात्रेची सांगता आज मुंबईत होणार