शिवसेनेचे संसदीय गटनेते म्हणून राहुल शेवाळे यांची निवड

Rahul Shewale has been elected as the parliamentary group leader of Shiv Sena

शिवसेनेचे संसदीय गटनेते म्हणून राहुल शेवाळे यांची निवड

शिवसेनेच्या 19 पैकी 12 खासदारांचे ठाकरेंविरोधात बंड, राहुल शेवाळे यांना नेता करण्यासाठी लोकसभा अध्यक्षांना पत्र

केंद्र आणि राज्य सरकारने 12 खासदारांना दिली वाय दर्जाची सुरक्षा

नवी दिल्ली : शिवसेनेचे दोन तृतीयांश आमदार बंडखोर नेते महाराष्ट्राचे मुख्यमंत्री एकनाथ शिंदे, यांच्या गटामध्ये सामील झाल्यानंतर जवळपास एक महिन्यानंतर, पक्षाच्या 19 पैकी बारा लोकसभा सदस्यांनी सभापती ओम बिर्ला यांना राहुल शेवाळे यांना नेता बनवण्यासाठी पत्र लिहिले आहे. भावना गवळी यांना मुख्य प्रतोद म्हणून कायम ठेवण्याची विनंती केली.

तथापि, उद्धव ठाकरे यांच्या नेतृत्वाखालील ‘मूळ’ शिवसेनेच्या दुसर्‍या पत्रात गवळी यांच्या जागी रचना विचारे यांची मुख्य प्रतोद म्हणून नियुक्ती करण्याची विनंती सभापतींना करण्यात आली आहे. सेनेचे नेते विनायक राऊत यांनी लिहिलेल्या पत्रानुसार विचारे आता या पदावर राहणार आहेत.

सोमवारी, महाराष्ट्राचे माजी मुख्यमंत्री उद्धव ठाकरे यांच्या विरोधात बंड करणाऱ्या १२ खासदारांनी शिंदे यांच्या व्हर्च्युअल बैठकीला हजेरी लावली, त्यानंतर शिंदे गटातील सूत्रांनी सांगितले की, हे खासदार संसदेच्या खालच्या सभागृहात स्वतंत्र गट तयार करणार आहेत.

या खासदारांनी संसदीय गटनेते म्हणून राहूल शेवाळे यांची निवड केली आहे अशी माहिती खासदार हेमंत गोडसे यांनी दिली.

मंगळवारी दिल्लीत असलेले शिंदे यांच्या संपर्कात असलेले १२ खासदार म्हणजे धैर्यशील संभाजीराव माने, सदाशिव लोखंडे, हेमंत गोडसे, हेमंत पाटील, राजेंद्र गावित, संजय मंडलिक, श्रीकांत शिंदे, श्रीरंग बारणे, राहुल शेवाळे, प्रतापराव गणपतराव जाधव, कृपाल तुमाने, भावना गवळी.

लोकसभेचे अध्यक्ष ओम बिरला आणि राज्याचे मुख्यमंत्री एकनाथ शिंदे यांना यासंबधीचे पत्र आज देण्यात येईल, असेही त्यांनी सांगीतलं.

दरम्यान शिवसेना संसदीय गटनेते विनायक राऊत यांनी संसदीय गटनेतेपदाच्या संदर्भात इतर कोणाचाही दावा मान्य करु नये अशी विनंती काल लोकसभा अध्यक्षांना केली होती. राजन विचारे यांची मुख्य प्रतोद म्हणून निवड झालेली आहे आणि त्याच पदावर आता इतर कोणाची नेमणूक अमान्य करायला हवी असेही त्यांनी म्हटले आहे.

राज्यात पक्षाची पकड पुन्हा मिळवण्याच्या प्रयत्नात उद्धव ठाकरे यांनी मुंबई, पालघर, यवतमाळ, अमरावती या जिल्ह्यांसह इतर जिल्ह्यांमध्ये 100 हून अधिक नवीन पदाधिकाऱ्यांची नियुक्ती केली आहे.

हडपसर न्यूज ब्युरो
hadapsarinfomedia@gmail.com