चीन मध्ये आज कोरोनाचे १३ हजार नवे रुग्ण आढळले असून नव्या रुग्णांचा ही संख्या कोरोनाचा प्रादुर्भाव सुरु झाल्यापासून गेल्या दोन वर्षातली सर्वाधिक संख्या आहे. त्यामुळं चीनची आर्थिक राजधानी आणि सर्वाधिक लोकसंख्या असलेल्या शांघाय शहरात पूर्णतः लॉकडाउन  लावण्यात आला आहे.

या लॉक डाउन मुळे शांघाय शहरातून होणारा मालाचा पुरवठा आणि वाहतूक व्यवस्थेवर आणखी परिणाम होण्याची शक्यता आहे.

शांघायमध्ये सध्या होत असलेल्या  कोरोनाच्या प्रसाराचं प्रमाण यापूर्वी वुहान शहरात झालेल्या प्रसाराहून जास्त आहे. मात्र तुलनात्मक दृष्ट्या त्याच्या तीव्रतेचं प्रमाण कमी असल्याचं चीनच्या वृत्त संस्थेनं म्हटलं आहे.