भारतीय रिझर्व बँक टोकनच्या रुपात कायदेशीर मान्यता असलेले डिजिटल चलन प्रायोगिक तत्वावर सुरु

A digital currency with legal recognition in the form of Reserve Bank Token will be launched on an experimental basis

भारतीय रिझर्व बँक टोकनच्या रुपात कायदेशीर मान्यता असलेले डिजिटल चलन प्रायोगिक तत्वावर सुरु

मुंबई : भारतीय रिझर्व बॅंक आजपासून प्रायोगिक तत्वावर डिजिटल चलन सुरु केलं आहे. हा डिजीटल रुपया टोकनच्या रुपात राहणार असून त्याला कायदेशीर मान्यता आहे. काही ठराविक जागांवर हे चलन ग्राहकांना आणि व्यापाऱ्यांना मर्यादित वापरकर्त्यांच्या गटात उपलब्ध होणार आहे.

या चलनाचं मूल्य कागदी आणि नाण्यांच्या मूल्यांइतकच राहणार असून याद्वारे मध्यस्थी बॅंका आणि कर्ज देणाऱ्या संस्थांच्या माध्यमातून आर्थिक व्यवहार करता येणार आहे.

किरकोळ डिजिटल रुपयाचे व्यवहार मोबाईल फोन आणि इतर उपकरणांवर डिजिटल वॉलेटद्वारे केले जाऊ शकतात. आरबीआयच्या डिजिटल रुपी कार्यक्रमात सहभागी होणाऱ्या बँकांद्वारे ऑफर केलेले डिजिटल वॉलेटच डिजिटल चलनात व्यवहार करू शकतात.

किरकोळ डिजिटल चलन बँकांच्या माध्यमातून वितरित केले जाईल. डिजिटल चलनातील व्यवहार व्यक्ती-ते-व्यक्ती आणि व्यक्ती-व्यापारी यांच्यात करता येतात. व्यापार्‍यांना पेमेंट QR किंवा व्‍यापारी स्‍थानांवर प्रदर्शित त्‍वरित प्रतिसाद कोड वापरून केले जाऊ शकते.

यासाठी आठ बॅंका निश्चित करण्यात आल्या आहेत. या चलनाची सुरवात पहिल्या टप्प्यात मुंबई, नवी दिल्ली, बंगळुरु आणि भुवनेश्वर मध्ये केली जाणार आहे. त्यानंतर अहमदाबाद, गंगटोक, गुवाहाटी, हैद्राबाद, इंदौर, कोच्ची, लखनऊ, पाटणा आणि सिमल्यात केली जाणार आहे.

वापरकर्त्याच्या मोबाईल फोन वर बॅंकेनं उपलब्ध करुन दिलेल्या डिजिटल वॉलेटच्या माध्यमातून या डिजिटल पैशांची देवाणघेवाण करता येणार आहे.

डिजिटल चलन हे रिझर्व बँकेकडून जारी करण्यात येणाऱ्या रोख रुपयांचं डिजिटल रुप असून संपर्क रहित व्यवहारांमध्ये याचा वापर करता येईल. याची घोषणा अर्थमंत्री निर्मला सितारामन यांनी यावर्षीच्या अंदाजपत्रकात केली होती.

हडपसर न्यूज ब्युरो
hadapsarinfomedia@gmail.com