By-poll results: TMC wins Ballygunge assembly seat, RJD wins in Bihar
पोटनिवडणुकीचे निकाल: बल्लीगुंज विधानसभा जागा टीएमसीने जिंकली, बिहारमध्ये आरजेडी विजयी
बिहारमधील बोच्चन विधानसभेच्या पोटनिवडणुकीत आरजेडी उमेदवार अमर पासवान यांनी त्यांच्या जवळच्या प्रतिस्पर्धी भाजपच्या बेबी कुमारी यांचा 36,000 पेक्षा जास्त मतांनी पराभव केला.
विकासशील इंसान पार्टी (व्हीआयपी) मुसाफिर पासवान यांच्या निधनामुळे या मतदारसंघासाठी मतदान आवश्यक होते.
आसनसोल लोकसभा मतदारसंघासातही तृणमूल काँग्रेसचे उमेदवार शत्रुघ्न सिन्हा विजयी झाले आहेत. त्यांनी भाजपाचे उमेदवार अग्निमित्र पॉल यांचा ३ लाखापेक्षा जास्त मतांनी पराभव केला.
बल्लीगुंज विधानसभा मतदारसंघात तृणमूलचे उमेदवार बाबुल सुप्रियो यांनी मार्क्सवादी कम्युनिस्ट पक्षाच्या उमेदरावाचा 19,000 पेक्षा जास्त मतांनी पराभव करून विजय मिळवला.
महाराष्ट्रात काँग्रेसने कोल्हापूर उत्तर विधानसभेची जागा राखली आहे. पोटनिवडणुकीत महाविकास आघाडी आणि काँग्रेसच्या उमेदवार जयश्री जाधव यांनी भाजपचे उमेदवार सत्यजित कदम यांचा १८,९०१ मतांनी पराभव केला आहे.
त्यांना ९६,२२६ तर कदम यांना ७७,४४२ मते मिळाली. काँग्रेसचे आमदार चंद्रकांत जाधव यांच्या निधनामुळे हे मतदान आवश्यक झाले होते, त्यानंतर त्यांच्या पत्नी जयश्री यांनी निवडणूक लढवली होती. मतदारसंघातील त्या पहिल्या महिला आमदार आहेत.
छत्तीसगडमधल्या खैरागढ विधानसभा मतदारसंघाच्या पोटनिवडणूकीचा निकालही आज लागला. इथे काँग्रेसच्या यशोदा वर्मा विजयी झाल्या आहेत. त्यांनी भाजपाच्या कोमल जांघेल यांचा २० हजारापेक्षा जास्त मतांनी पराभव केला. इथले जनता काँग्रेसचे उमेदवार देवव्रत सिंग यांचं निधन झाल्यानं ही जागा रिक्त झाली होती.
Hadapsar News Bureau.
