CBI arrests Delhi Deputy CM Manish Sisodia in Liquor policy case
सीबीआयने दिल्लीचे उपमुख्यमंत्री मनीष सिसोदिया यांना दारू धोरण प्रकरणी केली अटक
नवी दिल्ली : दिल्ली उत्पादन शुल्क धोरण प्रकरणात कथित भ्रष्टाचारप्रकरणी दिल्लीचे उपमुख्यमंत्री मनीष सिसोदिया यांना केंद्रीय अन्वेषण विभागाने अटक केली आहे. सिसोदिया यांच्या अटकेचा आम आदमी पक्षाने निषेध केला आहे. पक्षाने याला भाजपचे कारस्थान म्हटले आहे.
आता मागे घेतलेले अबकारी धोरण 2021-22 च्या अंमलबजावणीत कथित अनियमिततेच्या संदर्भात सीबीआयने काही तासांच्या चौकशीनंतर श्री सिसोदिया यांना अटक केली.
त्यांना रविवारी एजन्सीने चौकशीसाठी बोलावले होते. सिसोदिया सकाळी 11 वाजता मध्य दिल्लीतील लोधी रोड येथील सीबीआय मुख्यालयात पोहोचले. कायदा आणि सुव्यवस्था राखण्यासाठी दिल्ली पोलिसांनी दक्षिण जिल्ह्यात कलम 144 लागू केले आहे.
अटकेपूर्वी सीबीआयने त्यांची 8 तास चौकशी केली होती. उत्पादन शुल्क विभागाच्या एका आयएएस अधिकाऱ्याने चौकशीदरम्यान सिसोदिया यांचे नाव घेतल्याचे सांगण्यात येत आहे.
सरकारला फायदा होणार नाही आणि व्यापाऱ्यांना मोठा फायदा होईल अशी मद्य पॉलिसी सिसोदिया यांनी बनवली होती, असे अधिकाऱ्याने चौकशीत सांगितले. अधिकाऱ्याने सिसोदिया यांच्यावर पुरावे नष्ट केल्याचा आरोपही केला.
सीबीआयने समोरासमोर बसवून सिसोदिया आणि अधिकाऱ्याची चौकशी केली असता त्यांनी अनेक प्रश्नांची उत्तरे दिली नाहीत. हेच सिसोदिया यांच्या अटकेचे कारण ठरले आहे.
सिसोदिया यांची सीबीआयने गेल्या वर्षी १७ ऑक्टोबर रोजी चौकशी केली होती. दिल्लीचे लेफ्टनंट गव्हर्नर विनय कुमार सक्सेना यांनी सीबीआय चौकशीची शिफारस केल्यानंतर गेल्या वर्षी दिल्ली उत्पादन शुल्क धोरण प्रकरणाचा तपास सुरू झाला.
सीबीआयने दाखल केलेल्या एफआयआरमध्ये 15 आरोपींमध्ये दिल्लीचे उपमुख्यमंत्री मनीष सिसोदिया यांचा समावेश आहे. उत्पादन शुल्क धोरणातील नियमांचे उल्लंघन आणि प्रक्रियात्मक त्रुटींबद्दल एफआयआर दाखल करण्यात आला होता.
Hadapsar News
हडपसर न्यूज ब्युरो
hadapsarinfomedia@gmail.com
