माजी पोलीस आयुक्त संजय पांडे यांच्या कोठडीत वाढ.

Extension of custody of former police commissioner Sanjay Pandey

माजी पोलीस आयुक्त संजय पांडे यांच्या कोठडीत वाढ

नवी दिल्ली : ईडी अर्थात सक्तवसुली संचालनालयाच्या कोठडीत असलेले मुंबईचे माजी पोलीस आयुक्त संजय पांडे यांच्या कोठडीत दिल्लीतल्या न्यायालयानं वाढ केली आहे.

त्यांच्या कोठडीची मुदत २ ऑगस्टपर्यंत वाढवण्यात आली आहे. राष्ट्रिय शेअर बाजार (एनएसई) कर्मचाऱ्यांचे फोन बेकायदेशीररीत्या टॅप केल्याप्रकरणी पांडे यांना गेल्या आठवड्यात अटक करण्यात आली.

आज त्यांच्या कोठडीची मुदत संपल्यानं त्यांना न्यायालयात हजर करण्यात आलं. याप्रकरणी सीबीआयन घातलेल्या छाप्यात अनेक पुरावे हाती लागले असून त्या संदर्भात चौकशीची गरज आहे, असं सांगून पांडे यांच्या कोठडीची मुदत वाढवून देण्याची विनंती ईडीतर्फे आज न्यायालयात करण्यात आली.

पांडेना ईडीच्या अधिकाऱ्यांनी 19 जुलै रोजी अटक केली होती. त्यांना दुसऱ्या दिवशी न्यायालयात हजर केले असता त्यांना 29 जुलैपर्यंत ईडी कोठडी सुनावण्यात आली होती. पांडेनी यापूर्वी न्यायालयाला सांगितले होते की, ते कधीही कॉल टॅपिंगमध्ये गुंतले नव्हते आणि त्यांचाकडे टॅप करण्यासाठी उपकरणेही नव्हती.

या प्रकरणात ईडीने यापूर्वी 14 जुलै रोजीराष्ट्रिय शेअर बाजार (नॅशनल स्टॉक एक्सचेन्जच्या (NSE ) )माजी एमडी चित्रा रामकृष्णन यांना अटक केली होती.

सीबीआयने या महिन्याच्या सुरुवातीला पांडे यांनी स्थापन केलेल्या मेसर्स iSEC सर्व्हिसेस प्रायव्हेट लिमिटेड या कंपनीच्या विरोधात गृह मंत्रालयाच्या संदर्भाने NSE कर्मचाऱ्यांचे दूरध्वनी बेकायदेशीरपणे रोखल्याप्रकरणी गुन्हा दाखल केला होता.

2009-2017 पासून iSEC सह संगनमत. NSE च्या उच्च अधिकार्‍यांनी त्या कंपनीच्या बाजूने करार/कार्य आदेश जारी केले आणि भारतीय टेलिग्राफ कायद्यातील तरतुदींचे उल्लंघन करून बेकायदेशीरपणे मशीन्स बसवून कर्मचार्‍यांचे फोन कॉल्स रोखले, असा आरोपही करण्यात आला. या कृतीसाठी सक्षम प्राधिकरणाकडून कोणतीही परवानगी घेण्यात आली नव्हती आणि NSE च्या कर्मचार्‍यांची संमती देखील या प्रकरणात घेण्यात आली नव्हती, असा दावा एजन्सीने केला होता.

सीबीआयने असाही आरोप केला होता की या कॉल्सचे ट्रान्सक्रिप्ट मेसर्स आयएसईसी सर्व्हिसेस प्रायव्हेट लिमिटेडने प्रदान केले होते आणि ते एनएसईच्या वरिष्ठ अधिकाऱ्यांनी प्राप्त केले होते. कंपनीला जवळपास 4.45 कोटी रुपये अदा करण्यात आल्याचा आरोप आहे.

91 NSE कर्मचार्‍यांचे फोन मेसर्स iSec सर्व्हिसेस प्रायव्हेट लिमिटेड द्वारे टॅप केले गेले होते का याचाही तपास एजन्सी करत आहेत. यानंतर, ईडीने या प्रकरणी मनी लाँड्रिंगचा गुन्हा दाखल केला होता.

हडपसर न्यूज ब्युरो
hadapsarinfomedia@gmail.com