दोन ऑस्कर जिंकून भारताने इतिहास रचला

India won awards in two categories at the Oscars

दोन ऑस्कर जिंकून भारताने इतिहास रचला

ऑस्कर पुरस्कार सोहळ्यात दोन श्रेणीत भारताला पुरस्कार

RRR चित्रपटातील नाटू नाटू या गाण्याला सर्वोत्कृष्ट मूळ गाण्याचा पुरस्कार मिळाला

द एलिफंट व्हिस्परर्सला सर्वोत्कृष्ट माहितीपट लघुपटाचा पुरस्कार मिळाला

लॉस अँजेलिस : 95 व्या अकादमी पुरस्कार सोहळ्यात, SS राजामौली यांच्या RRR चित्रपटातील भारतातील ‘ नाटू नाटू’ गाण्याने आज सर्वोत्कृष्ट मूळ गाण्यासाठी ऑस्कर जिंकणारा पहिला भारतीय चित्रपट बनून इतिहास रचला.

ऑस्कर पुरस्कारावर दोन श्रेणीत भारताला पुरस्कार मिळाले आहेत. एस एस राजामौली दिग्दर्शित आर आर आर या चित्रपटाच्या नाटू नाटू या गीताला बेस्ट ओरिजनल साँग म्हणून ऑस्कर पुरस्कार देण्यात आला.

अमेरिकेतल्या लॉस एंजलिस इथं डॉल्बी नाट्यगृहात झालेल्या ९५ व्या ऑस्कर पुरस्कार सोहळ्यात संगितकार एम एम किरावनी आणि गीतकार चंद्रबोस यांनी हा पुरस्कार स्वीकारला. या गाण्याचे पार्श्वगायक राहूल सिपलिगुंज आणि काला भैरवा यांनी या गाण्यावर नृत्य सादर केलं.

जमलेल्या सगळ्यांनी या नृत्याला दिलखुलास दाद दिली. गेल्या दोन दशकात ऑस्कर साठी नामांकन मिळवणारा आर आर आर हा पहिला भारतीय चित्रपट आहे, तर नाटू नाटू हे नामांकन मिळवणारं पहिलं गीत आहे. स्वातंत्र्य सैनिक कोमरान भीम आणि अलुरी राजू यांच्या आयुष्यावर बेतलेला हा चित्रपट आहे. हा चित्रपट 1920 च्या दशकातील काल्पनिक कथा मांडतो.

प्रेम रक्षित यांनी कोरिओग्राफ केलेले हे गाणे टेल इट लाइक अ वुमन, होल्ड माय हँड या चित्रपटातील टॉप गन: मॅव्हरिक, लिफ्ट मी अप फ्रॉम ब्लॅक पँथर: वाकांडा फॉरएव्हर, आणि दिस इज लाइफ, एव्हरीथिंग, एव्हरीव्हेअर या चित्रपटातील सर्व एकाच वेळी ‘ नाटू नाटू’ शी स्पर्धा करत होते.

त्या बरोबरंच लघुपटाच्या श्रेणीत एलिफंट व्हिसपर्सला देखील ऑस्कर पुरस्कार मिळाला. कार्तिकी गोंसालवीस दिग्दर्शित आणि गुनीत मोंगा निर्मित या चित्रपटात एका अनाथ हत्तीचं पिल्लू रघू आणि त्याची काळजी घेणाऱ्याची कहाणी आहे.

नाटू नाटू या गीताला ऑस्कर मिळाल्या बद्दल प्रधानमंत्री नरेंद्र मोदी यांनी आनंद व्यक्त केलं असून चित्रपटाच्या संपूर्ण चमूचं अभिनंदन केलं आहे. या गीताची लोकप्रियता वैश्विक आहे. हे गीत अनेक वर्ष रसिकांच्या लक्षात राहील, असं प्रधानमंत्र्यांनी आपल्या ट्वीटर संदेशात म्हटलं आहे.

लघुपटाच्या श्रेणीत पुरस्कार मिळालेल्या एलिफंट व्हिस्पर्स या लघुपटाच्या संपूर्ण चमुचंही प्रधानमंत्र्यांनी अभिनंदन केलं आहे.

गृहमंत्री अमित शहा यांनी आरआरआर चित्रपट आणि द एलिफंट व्हिस्परर्स या लघुपटाच्या टीमचे ऑस्कर जिंकल्याबद्दल अभिनंदन केले आहे. एका ट्विटमध्ये, श्रीमान शाह यांनी भारतीय चित्रपटसृष्टीसाठी हा ऐतिहासिक दिवस असल्याची टिप्पणी केली. ते म्हणाले की, आरआरआर चित्रपटातील नातू नातू गाण्याने ऑस्कर पुरस्कार जिंकून इतिहास रचला.

हे गाणे भारतीयांच्या तसेच जगभरातील संगीतप्रेमींच्या ओठावर असल्याचे मंत्री म्हणाले. श्री शाह यांनी हत्तींना वाचवण्यासाठी भारताचे प्रयत्न आघाडीवर आणल्याबद्दल द एलिफंट व्हिस्परर्सच्या निर्मात्यांचे कौतुक केले.

हा चित्रपट विकास आणि पर्यावरणाशी सदभावनेनं राहण्याचा संदेश देतो. केंद्रीय माहिती आणि प्रसारणमंत्री अनुराग ठाकूर यांनी देखील नाटू नाटू गीताला मिळालेल्या ऑस्करसाठी आनंद झाल्याचं म्हटलं आहे. एलिफंट व्हिसपर्सला मिळालेल्या ऑस्करसाठीही त्यांनी आनंद व्यक्त केला. निसर्गा बरोबर प्रेमाचं आणि सलोख्याचे संबंध असल्याचं हा लघुपट दाखवतो, अशा शब्दात ठाकूर यांनी आपल्या ट्वीटर संदेशात म्हटलं आहे.

Hadapsar News Bureau
हडपसर न्यूज ब्युरो
hadapsarinfomedia@gmail.com