फसवणूक टाळण्यासाठी मान्यता प्राप्त व्यवसाय प्रशिक्षण संस्थेतच प्रवेश घ्या

Only admit an accredited business training institute to prevent fraud

फसवणूक टाळण्यासाठी मान्यता प्राप्त व्यवसाय प्रशिक्षण संस्थेतच प्रवेश घ्या

विद्यार्थ्यांनी प्रवेशावेळी व्यवसाय प्रशिक्षण संस्थेला मान्यता असल्याची खात्री करावी

पुणे : इयत्ता १० वी व १२ वी नंतर कौशल्य, रोजगार, उद्योजकता व नाविन्यता विभागामार्फत राबवण्यात येणाऱ्या व्यवसाय अभ्यासक्रमांना प्रवेश घेताना फसवणूक टाळण्यासाठी हे अभ्यासक्रम राबवणाऱ्या संस्थेला विभागाची मान्यता असल्याबाबतची खात्री करूनच प्रवेश घ्यावेत, असे आवाहन करण्यात आले आहे.

कौशल्य, रोजगार, उद्योजकता व नाविन्यता विभागामार्फत शासकीय औद्योगिक प्रशिक्षण संस्था, खासगी औद्योगिक प्रशिक्षण संस्थेमार्फत राबवण्यात येणारे व्यवसाय प्रशिक्षण अभ्यासक्रम, पूर्व व्यवसायिक अभ्यासक्रम, अधिक २ स्तरावरील द्विलक्षी व्यवसाय अभ्यासक्रम , अधिक २ स्तरावरील उच्च माध्यमिक व्यवसाय अभ्यासक्रमामार्फत राबविण्यात येणारे अभ्यासक्रम व महाराष्ट्र राज्य कौशल्य व्यवसाय शिक्षण व प्रशिक्षण मंडळामार्फत राबविण्यात येणारे प्रमाणपत्र अभ्यासक्रम राबविण्यात येतात.

दहावी, बारावी परीक्षांमध्ये उत्तीर्ण विद्यार्थी तसेच तत्सम शाखेतील विद्यार्थी विविध व्यवसाय अभ्यासक्रमांमध्ये प्रवेश घेत असतात. विद्यार्थ्यांनी त्यांची फसवणूक होऊ नये व आर्थिक व शैक्षणिक नुकसान टाळण्यासाठी प्रवेश घेत असलेल्या संस्थेस कौशल्य, रोजगार, उद्योजकता व नाविन्यता विभागाची मान्यता मिळालेली असल्याबाबत खात्री करुनच प्रवेश घ्यावा.

संबंधित मान्यता प्राप्त संस्थेबाबत अधिक माहितीसाठी व्यवसाय शिक्षण व प्रशिक्षण अधिकारी कार्यालय, घोले रस्ता, पुणे-५ या कार्यालयाशी संपर्क साधावा. (दुरध्वनी क्र. ०२०-२९५१३८१७, ईमेल आयडी dveto.pune@dvet.gov.in वेब साईट https://www.dvet.gov.in ) असे आवाहन जिल्हा व्यवसाय शिक्षण व प्रशिक्षण अधिकारी बी.आर.शिंपले यांनी केले आहे.

हडपसर न्यूज ब्युरो
hadapsarinfomedia@gmail.com