Pakistan lost by one run to Zimbabwe in T20 World Cup
T20 विश्वचषकात पाकिस्तान झिम्बाब्वेकडून एका धावेने पराभूत
फलंदाज आसिफ अलीला संघाबाहेर ठेवणे पाकिस्तानला महागात पडले ?
पाकिस्तान उपांत्य फेरीसाठी पात्र ठरण्याचे समीकरण
पर्थ: खचाखच भरलेल्या एमसीजीमध्ये भारताकडून शेवटच्या चेंडूवर झालेल्या पराभवाच्या अवघ्या चार दिवसांनंतर, बाबर आझम च्या संघाने गुरुवारी पर्थ येथे T20 विश्वचषकातील सुपर 12 रोमहर्षक लढतीमध्ये झिम्बाब्वे विरुद्ध एका धावेने पराभव पत्करला. या मुळे पाकिस्तानला उपांत्य फेरीच्या शर्यतीत जोरदार धक्का बसला.
झिम्बाब्वेच्या 130/8 च्या प्रत्युत्तरात पाकिस्तानने 129/8 अशी मजल मारली. पाकिस्तानने T20 विश्वचषकात अद्याप त्यांचे खाते उघडले नाही.
131 धावांच्या लक्ष्याचा पाठलाग करताना, पॉवरप्ले ओव्हर्समध्ये पाकिस्तानने दोन गडी गमावून 28 धावा केल्या. बाबर आझम पुन्हा एकदा अपयशी राहिला , तो 4 धावांवर स्वस्तात बाद झाला. तो बाद झाल्यानंतर काही वेळातच ब्लेसिंग मुजराबानीने मोहम्मद रिझवानला 14 धावांवर आउट केले.
इफ्तिखार अहमदही 5 धावांवर बाद झाला. शान मसूद आणि शादाब खान यांनी रझाने दोन विकेट घेण्यापूर्वी धावफलक हलता ठेवला. त्यानंतर रझाने झिम्बाब्वेला मसूदची महत्त्वपूर्ण विकेट मिळवून दिली, जो 44 धावांवर यष्टीचित झाला. शान मसूद (44) वगळता त्यांचा कोणताही फलंदाज 22च्या वर धावा करू शकला नाही.
पाकिस्तानने 20 षटकांत 8 बाद 129 धावा केल्या. सिकंदर रझा (3/25), ब्रॅड इव्हान्स (2/25) आणि ब्लेसिंग मुझाराबानी (1/18) यांनी चमकदार कामगिरी केल्यामुळे मसूदने एकाकी झुंज दिली.
झिम्बाब्वेसंघाचा सिकंदर रझा हा उत्कृष्ट गोलंदाज ठरला, त्याने चार षटकांत तीन बळी घेतले.
तत्पूर्वी, मोहम्मद वसीमने चार बळी घेऊन संघात पुनरागमन केले, तर शादाब खानने तीन विकेट्स घेतल्याने पाकिस्तानने झिम्बाब्वेला आठ बाद 130 धावांवर रोखले. वसीमने 24 धावा देऊन4 गडी बाद केले ( 4/24) , तर शादाबने23 धावा देऊन 3 गडी बाद केले (3/23) .
झिम्बाब्वेने दमदार सुरुवात केली, सलामीवीर वेस्ली माधवेरे आणि क्रेग एर्विन यांनी सुरवातीपासूनच पाकिस्तानच्या गोलंदाजांचा चांगला सामना केला, खराब चेंडूवर त्यांनी चौकार मारले. सीन विल्यम्सने ३१ धावांची महत्त्वपूर्ण भूमिका बजावली.
त्यानंतर हारिस रौफने पाकिस्तानला पहिले यश मिळवून दिले . एक वेळ अशी आली जेव्हा शादाब आणि वसीम यांनी मिळून सहा चेंडूंमध्ये चार फलंदाज बाद केले आणि पाकिस्तानवर संपूर्ण नियंत्रण ठेवले.
फलंदाज आसिफ अलीला संघाबाहेर ठेवणे पाकिस्तानला महागात पडले ?
“आज आम्ही तिन्ही विभागांमध्ये चांगले खेळलो नाही,” असे बाबर यांनी सामन्यानंतरच्या पत्रकार परिषदेत पत्रकारांना सांगितले. “एक संघ आणि कर्णधार म्हणून हे खूप कठीण आहे.”
हिरव्या रंगाच्या ऑप्टस स्टेडियमच्या खेळपट्टीने भुरळ घातली, जिथे मागील दोन सामन्यांमध्ये चेंडूने बहुतांशी बॅटवर वर्चस्व गाजवले होते, पाकिस्तानने वेगवान मोहम्मद वसीमचा संघात समावेश करून वेगवान आक्रमण मजबूत करण्याचा निर्णय घेतला. त्यांनी फलंदाज आसिफ अलीला संघाबाहेर ठेवले.
अतिरिक्त गोलंदाज घेऊन जाण्याची रणनीती शेवटी उलट झाली होती का असे बाबरला विचारले असता तो म्हणाला “मला असे वाटत नाही,” “या खेळपट्टीला वेगवान गोलंदाजांची गरज होती, त्यामुळे आमच्याकडे ते नियोजन होते आणि म्हणूनच आमच्याकडे अतिरिक्त वेगवान गोलंदाज होते.”
पाकिस्तानच्या शेवटच्या चेंडूतील सलग दुसऱ्या पराभवामुळे ते लवकर बाहेर पडण्याच्या उंबरठ्यावर आले आहेत.
पाकिस्तान उपांत्य फेरीसाठी पात्र ठरण्याचे समीकरण
आपल्या पहिल्या सामन्यात कट्टर प्रतिस्पर्धी भारताकडून पराभूत झालेल्या पाकिस्तानने पर्थ स्टेडियमवर झिम्बाब्वेविरुद्ध 131 धावांचे माफक लक्ष्य गाठण्यात अपयशी ठरल्यानंतर आता त्यांच्या स्पर्धेतील आशा धुळीस मिळवल्या आहेत.
झिम्बाब्वेच्या विजयामुळे गट 2 मधील पाकिस्तानचे उपांत्य फेरीसाठी पात्र ठरण्याचे समीकरण मनोरंजक बनले आहे.
- प्रथम, पाकिस्तानला त्यांचे उर्वरित तीनही सामने जिंकणे आवश्यक आहे.
- दुसरे म्हणजे, चांगला नेट रन रेट राखण्यासाठी तिन्ही सामने मोठ्या फरकाने जिंकले पाहिजेत.
- तिसरे म्हणजे, त्यांना इतर निकाल लागतील अशी आशा बाळगली पाहिजे- ज्यामध्ये दक्षिण आफ्रिकेने भारत आणि पाकिस्तानला हरवले.
- झिम्बाब्वेचे तीन पैकी उर्वरित दोन सामने हरले (भारत, नेदरलँड आणि बांगलादेश)
- पुढे, बांगलादेश आणखी एक सामना हरेल अशी आशा त्यांनी बाळगली पाहिजे.
हडपसर न्यूज ब्युरो
hadapsarinfomedia@gmail.com
