Gurukul Pratishthan’s Pandit Hariprasad Chaurasia Award presented to veteran singer Dr Prabha Atre
गुरुकुल प्रतिष्ठानचा पंडित हरिप्रसाद चौरसिया पुरस्कार ज्येष्ठ गायिका डॉ.प्रभा अत्रे यांना प्रदान
मुंबई : ठाण्याच्या गुरूकुल प्रतिष्ठानच्या वतीनं देण्यात येणारा यंदाचा पंडित हरिप्रसाद चौरसिया जीवन गौरव पुरस्कार ज्येष्ठ शास्त्रीय संगीत गायिका डॉ.प्रभा अत्रे यांना आज ठाण्यातील गडकरी रंगायतन इथं प्रदान करण्यात आला. 
मुख्यमंत्री एकनाथ शिंदे यांच्या हस्ते हा पुरस्कार देऊन प्रभा अत्रे यांना गौरवण्यात आलं. मानपत्र, शाल आणि एक लाख रुपयाचा धनादेश असं या पुरस्काराचं स्वरूप आहे. देशाच्या सीमा ओलांडून भारतीय शास्त्रीय संगीत पोहचवण्याचं काम प्रभा अत्रे यांनी केलं आहे, असं मुख्यमंत्र्यानी यावेळी सांगितलं.
राज्यातलं सरकार सर्व घटकांचं असून आमचं सरकार कला प्रेमी आहे असं सांगत शास्त्रीय संगीत क्षेत्रासाठी योजना सुचवल्यास त्याचा सन्मान केला जाईल ,असं मुख्यमंत्री एकनाथ शिंदे म्हणाले. यावेळी प्रतिष्ठानच्या वतीनं ‘बांसुरी उत्सव’ देखील आयोजित करण्यात आला होता.
हडपसर न्यूज ब्युरो
hadapsarinfomedia@gmail.com
