Russia’s annexation of four regions of Ukraine condemned by the United Nations
युक्रेनच्या चार प्रदेशांवरील रशियाच्या ताब्याचा संयुक्त राष्ट्र सभेद्वारे निषेध
युक्रेनचे चार प्रदेश स्वतःकडे सामील करून घेण्याच्या रशियाच्या निर्णयाचा निषेध करणारा ठराव संयुक्त राष्ट्राच्या महासभेनं मंजूर केला आहे. एकंदर १४३ सदस्यांनी ठरावाच्या बाजूनं तर पाच सदस्यांनी विरोधात मतदान केलं.
भारतासह ३५ देशांनी या ठरावावर तटस्थ भूमिका घेतली. दरम्यान, महासभेनं सर्व देशांना रशियाच्या या निर्णयाला मान्यता न देण्याचं आवाहन केलं आहे. महासभेच्या या ठरावाच्या विरोधात मतदान करत सीरिया, निकारग्वा, उत्तर कोरिया आणि बेलारूस या चार देशांनी रशियाला पाठिंबा दर्शवला.
आज रशिया युक्रेनवर आक्रमण करत आहे. पण उद्या हे दुसरे राष्ट्र असू शकते ज्यांच्या प्रदेशाचे उल्लंघन केले आहे. ते तुम्ही असू शकता. तुम्ही पुढे असू शकता. या चेंबरकडून तुम्ही काय अपेक्षा कराल?” थॉमस-ग्रीनफिल्ड यांनी मतदानापूर्वी महासभेला सांगितले.
रशियाने सप्टेंबरमध्ये युक्रेनमधील चार अंशतः व्यापलेले प्रदेश – डोनेस्तक, लुहान्स्क, खेरसन आणि झापोरिझ्झिया – याला सार्वमत असे नाव दिल्यावर त्याचे सामीलीकरण घोषित केले. युक्रेन आणि त्याच्या मित्र राष्ट्रांनी मते बेकायदेशीर आणि जबरदस्ती म्हणून नाकारली आहेत.
रशियानं सुरक्षा परिषदेत अशाच प्रस्तावावर नकाराधिकाराचा वापर केल्यानंतर काही दिवसांनी हा ठराव मांडण्यात आला आहे. तेव्हाही भारतानं तटस्थ भूमिका घेतली होती. सोमवारी महासभेत युक्रेन आणि रशिया यांच्यात वादविवाद झाल्यानंतर दोन दिवसांनी हे मतदान घेण्यात आलं आहे.
हडपसर न्यूज ब्युरो
hadapsarinfomedia@gmail.com
