विधिमंडळाच्या दोन्ही सभागृहांमधे गदारोळ

Uproar in both the Houses of the Legislature over the suspension of development works and the issue of the Nagpur Reform Project.

विकास कामांना दिलेली स्थगिती आणि नागपूर सुधार प्रन्यासाच्या मुद्दयावरुन विधिमंडळाच्या दोन्ही सभागृहांमधे गदारोळ

नागपूर सुधार प्रन्यासाच्या भूखंडप्रकरणी मुख्यमंत्र्यांनी राजीनामा द्यावा,विधानपरिषदेत विरोधकांची मागणी

सावित्रीबाई फुले यांचे राष्ट्रीय स्मारक भिडे वाडा येथे करण्याबाबत राज्य शासन गंभीर

नागपूर : विधानसभेत आज कामकाज सुरु होताच विरोधी पक्षनेते अजित पवार यांनी, विकास कामांच्या स्थगितीप्रकरणी सरकारला जाब विचारला. माजी मुख्यमंत्री उध्दव ठाकरे यांच्या नेतृत्वाखालच्या सरकारच्या काळात अर्थसंकल्पात दोन्ही सभागृहात मंजूर झालेली, व्हाईट बुकमध्ये आलेली विकासकामं, शिंदे-फडणवीस सरकार सत्तेत आल्यानंतर त्यांनी थांबवली. ही कामं सुरु व्हावीत म्हणून आम्ही लोकशाही मार्गानं मुख्यमंत्री, उपमुख्यमंत्र्यांना भेटलो, त्यांना विनंती केली.

मात्र केवळ काँग्रेस, राष्ट्रवादी आणि शिवसेनेच्या सदस्यांची कामं थांबवली आहेत. हे चुकीचं आहे, असं ते म्हणाले. ही कामं कर्नाटक किंवा गुजरातमधली आहेत का, असा संतप्त सवाल त्यांनी केला. त्यानंतर महाविकास आघाडीच्या आमदारांनी हौद्यात उतरुन सरकारच्या विरोधात जोरदार घोषणाबाजी केली. त्यामुळे कामकाज ४ वेळा तहकूब करावं लागलं.

यावर उत्तर देताना उपमुख्यमंत्री देवेंद्र फडणवीस यानी ७० टक्के कामांवरची स्थगिती उठवली असल्याचं सांगितलं. मात्र काही कामं नियमबाह्य पध्दतीनं, तरतूद नसताना घेतली आहेत. ती तातडीची असतील तर त्यावर चर्चा करुन मार्ग काढला जाईल, असे ते म्हणाले, आधीचं सरकारदेखील विरोधकांवर अन्याय करत कामं रद्द करत होतं. पण आम्ही तसं करत नाही, असं फडणवीस म्हणाले. मात्र त्यांच्या उत्तरानं विरोधकांचं समाधान झालं नाही.

गदारोळ सुरुच राहिला. कामकाज पुन्हा सुरु झाल्यावर, विरोधी पक्षनेत्यांची- गटनेत्यांची बैठक घेऊन निर्णय घेण्याचं आश्वासन मुख्यमंत्र्यांनी दिलं. त्यानंतर कामकाज सुरळीत झालं.

नागपूर सुधार प्रन्यासाच्या भूखंडप्रकरणी मुख्यमंत्र्यांनी राजीनामा द्यावा,विधानपरिषदेत विरोधकांची मागणी

स्त्री शिक्षणाच्या प्रणेत्या सावित्रीबाई फुले यांचे राष्ट्रीय स्मारक पुणे येथील भिडे वाडा याठिकाणी करण्यासंदर्भात तात्काळ बैठक घेण्यात येईल आणि या राष्ट्रीय स्मारकासाठी आवश्यक तेवढा निधी उपलब्ध करून देण्यात येईल, असे मुख्यमंत्री एकनाथ शिंदे यांनी विधानसभेत सांगितले.

विधानसभा सदस्य छगन भुजबळ यांनी सभागृहात मुद्दा उपस्थित केला होता. त्यावर निवेदन करताना मुख्यमंत्री श्री.  शिंदे म्हणाले, सावित्रीबाई फुले यांचे राष्ट्रीय स्मारक भिडे वाडा येथे करण्याबाबत राज्य शासन गंभीर आहे. लवकरच त्यासंदर्भात बैठक घेण्यात येईल, असेही त्यांनी यावेळी सांगितले.

हडपसर न्यूज ब्युरो
hadapsarinfomedia@gmail.com