Rohan Bopanna became the first Indian tennis player to win the title of Australian Open tennis tournament

ऑस्ट्रेलियन खुल्या टेनिस स्पर्धेचं विजेतेपद पटकावणारा रोहन बोपण्णा ठरला पहिला भारतीय टेनिसपटू

रोहन बोपण्णा याचे पंतप्रधान नरेंद्र मोदी यांनी केले अभिनंदन

मेलबर्न : मेलबर्न इथं सुरु असलेल्या ऑस्ट्रेलियन खुल्या टेनिस पुरुष दुहेरीच्या अंतिम सामन्यात भारताचा रोहन बोपण्णा आणि त्याचा जोडीदार ऑस्ट्रेलियाच्या मॅथ्यू एब्डेन यांनी विजय मिळवला आहे. त्यांनी इटलीचा सायमन बोलेल्ली आणि अँड्रिआ ववासोरी यांना ७-६, ७-५ असं दोन सरळ सेटमध्ये हरवत विजेतेपद पटकावलं. या विजयामुळे ऑस्ट्रेलियन खुल्या टेनिस स्पर्धेचं विजेतेपद पटकावणारा रोहन बोपण्णा पहिलाच भारतीय खेळाडू ठरला आहे.

ऑस्ट्रेलियन खुल्या टेनिस स्पर्धेतील विजयाबद्दल टेनिसपटू रोहन बोपण्णा याचे पंतप्रधान नरेंद्र मोदी यांनी अभिनंदन केले आहे.

पंतप्रधानांनी X वर पोस्ट केले:

वयाची कोणतीही अडचण नसते ! हे विलक्षण प्रतिभावान रोहन बोपण्णा याने वेळोवेळी दाखवून दिले आहे.

ऑस्ट्रेलियन खुल्या टेनिस स्पर्धेत मिळालेल्या ऐतिहासिक विजयाबद्दल त्याचे अभिनंदन.

आपले धैर्य, कठोर परिश्रम आणि चिकाटीच आपल्या क्षमतांना परिभाषित करते, याचे सुंदर स्मरण करून देणारा त्याचा हा प्रवास उल्लेखनीय आहे.

त्याला पुढील वाटचालीसाठी खूप खूप शुभेच्छा.”

ऑस्ट्रेलियन ओपन पुरुष दुहेरी टेनिस स्पर्धेत जोडी म्हणून पहिले ग्रँड स्लॅम जिंकल्याबद्दल युवा व्यवहार आणि क्रीडा मंत्री अनुराग ठाकूर यांनी रोहन बोपण्णा आणि मॅट एबडेन यांचे कौतुक केले.

एका सोशल मीडिया पोस्टमध्ये, श्री ठाकूर यांनी सांगितले की, रोहन बोपण्णाने वयाच्या 43 व्या वर्षी त्याचे पहिले ऑस्ट्रेलियन ओपन विजेतेपद आणि त्याचे पहिले-वहिले पुरुष दुहेरी ग्रँडस्लॅम जिंकले. मंत्री म्हणाले की टेनिसपटू ग्रँड स्लॅम जिंकणारा सर्वात वयोवृद्ध माणूस म्हणून उदयास आला आणि सर्वात जुने पुरुष दुहेरी विश्व क्रमांक 1 म्हणून शिखर गाठले. या कामगिरीमुळे वयोगटातील खेळाडूंना प्रेरणा मिळेल.

दरम्यान, ऑस्ट्रेलियन ओपनचे विजेतेपद राखण्यासाठी आर्यना सबालेंकाने झेंग क्विनवेनचा ६-३, ६-२ असा पराभव केला. एका दशकाहून अधिक कालावधीत असे करणारी ती पहिली महिला ठरली.

25 वर्षीय बेलारूसची गतविजेती आणि जागतिक क्रमवारीत दुसऱ्या क्रमांकावर असलेली आर्यना सबालेन्का हिने शनिवारी मेलबर्नमध्ये ऑस्ट्रेलियन ओपन महिला एकेरीचे विजेतेपद पटकावत चीनच्या 12व्या मानांकित झेंग क्विनवेनचा 6-3, 6-2 असा पराभव केला. मेलबर्न पार्क येथे झालेल्या पहिल्या सेटमध्ये साबालेंकाने 6-3 असा विजय मिळवण्यासाठी केवळ 33 मिनिटे घेतली.

साबालेंकाचे हे दुसरे ग्रँडस्लॅम विजेतेपद आहे तर झेंगने पहिले विजेतेपद मिळवले होते. 2013 नंतर ऑस्ट्रेलियन ओपनच्या विजेतेपदाचे रक्षण करणारी सबलेन्का ही पहिली महिला ठरली

Hadapsar News Bureau
हडपसर न्यूज ब्युरो
hadapsarinfomedia@gmail.com

हे ही अवश्य वाचा

केंद्र सरकार राज्यातील सहकार क्षेत्राच्या विकासासाठी सर्वतोपरी मदत करणार