Seven recommendations from the Permanent Group of Ministers of various states to eliminate the error in the collection, including prevention of GST evasion.
जीएसटी चोरी रोखण्यासह, संकलनातल्या त्रुटी दूर करण्यासाठी विविध राज्यांच्या स्थायी मंत्रीगटाकडून सात शिफारशी.
जीएसटी चोरी रोखण्यासह, संकलनातल्या त्रुटी दूर करण्यासाठी विविध राज्यांच्या स्थायी मंत्रीगटानं सात शिफारशी केल्या आहेत. महाराष्ट्राचे उपमुख्यमंत्री तथा अर्थमंत्री अजित पवार
यांच्या नेतृत्वाखाली स्थापन केलेल्या या मंत्रीगटाची दुसरी बैठक आज झाली.
जीएसटी चोरी रोखण्यासाठी बायोमेट्रीक प्रणालीचा प्रभावी वापर, व्यावसायिकांच्या पडताळणीसाठी कार्यस्थळाची प्रत्यक्ष पाहणी, यंत्रणेद्वारे उपलब्ध माहितीच्या आधारे व्यावसायिकांच्या आर्थिक व्यवहारांची प्रत्यक्ष तपासणी, बोगस व्यावसायिक नोंदणी रोखण्यासाठी प्रत्यक्ष तपासणी, जीएसटीएन नोंदणीवेळी वीजग्राहक क्रमांक अनिवार्य करणं, करदात्यांच्या बँकखात्यांचं ‘एनपीसीआय’ कडून प्रमाणिकरण, संशयित व्यावसायिकांचे गैरव्यवहार शोधण्यासाठी ‘फिडबॅक’ यंत्रणेची स्थापना, अशा सात शिफारशी जीएसटी परिषदेला करण्याचा निर्णय या बैठकीत झाला.
